ପିପିଲି:ପିପିଲି ଥାନା ସାତଶଙ୍ଖ ଫାଣ୍ଡି ଅନ୍ତର୍ଗତ ପୋଟଳ ଗ୍ରାମ ପାଟଣା ସାହିର ହୁଲାସ ମହାପାତ୍ର ନାମ୍ନୀ ୬୩ ବର୍ଷୀୟା ମହିଳାଙ୍କ ବେକରୁ ଶନିବାର ସକାଳେ ଦୁର୍ବୁତ୍ତ ସୁନାଚେନ୍ ଝାମ୍ପି ନେଇଥିବା ପୁଲିସରେ ଅଭିଯୋଗ ହୋଇଛି। ସକାଳ ସାଢେ ୮ଟା ସମୟରେ ନିଜ ଘର ସମ୍ମୁଖରେ ମହିଳା ଜଣକ ବୃନ୍ଦାବତୀଙ୍କ ପୂଜା କରୁଥିବା ବେଳେ ଲୁଟ୍ର ଶିକାର ହୋଇଥିଲେ। ଦୁଇଜଣ ଦୁର୍ବୁତ୍ତ ଏକ ବାଇକ୍ରେ ଆସି ତାଙ୍କ ଘର ସମ୍ମୁଖରେ ବାଇକ୍ ରଖିଥିଲେ। ଜଣେ ଗାଡିରୁ ଓହ୍ଲାଇ ହଠାତ୍ ହୁଲାସଙ୍କ ବେକରୁ ୨ଭରି ଓଜନର ସୁନାଚେନ୍କୁ ଝାମ୍ପିନେଇ ସେଠାରୁ ବାଇକ୍ ଯୋଗେ ଜାତୀୟ ରାଜପଥ ଦେଇ ଫେରାର ହୋଇଯାଇଥିଲେ। ଏ ସଂପର୍କରେ ତାଙ୍କ ପୁତ୍ର ସାମ୍ବାଦିକ ବିଜୟ କୁମାର ମହାପାତ୍ର ପୁଲିସରେ ଲିଖିତ ଅଭିଯୋଗ କରିଥିବା ବେଳେ ପୁଲିସ ଘଟଣାର ତଦନ୍ତ ଚଳାଇଛି। ଏହି ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଆଲୋଡନ ସୃଷ୍ଟି ହୋଇଛି।
Comments are closed.