ଫୁଲବାଣୀ: ଫିରିଙ୍ଗିଆ ବ୍ଲକ ଭୃଙ୍ଗୀଯୋଡି ପଞ୍ଚାୟତ ଶୁଣ୍ଢୀଗାଁ ଚକାଡୋଳା ଖେଳପଡ଼ିଆରେ ଚାଲିଥିବା ୨ ଦିନିଆ ରାଜ୍ୟସ୍ତରୀୟ ଫୁଟବଲ ପ୍ରତିଯୋଗିତା ଉଦଯାପିତ ହୋଇଛି। ପ୍ରତି ଯୋଗିତାକୁ ଶୁଣ୍ଢୀଗାଁ ଜୟ ଜଗନ୍ନାଥ ସାଂସ୍କୃତିକ ଓ କ୍ରୀଡା ପ୍ରତିଷ୍ଠାନ ଆୟୋଜନ କରିଥିବା ବେଳେ ପ୍ରତିଷ୍ଠାନର କାର୍ଯ୍ୟକାରୀ ସଭାପତି ଏସିଆ କହଁରଙ୍କ ଅଧକ୍ଷତାରେ ଅନୁଷ୍ଠିତ ଏହି ପ୍ରତିଯୋଗିତାର ଉଦଯାପନୀ ଉତ୍ସବରେ ଫୁଲବାଣୀର ପୂର୍ବତନ ବିଧାୟକ ଦେବେନ୍ଦ୍ର କହଁର ମୁଖ୍ୟ ଅତିଥି ଭାବରେ ଯୋଗ ଦେଇଥିଲେ। ଅନ୍ୟ ମାନଙ୍କ ମଧ୍ୟରେ ପୂର୍ବତନ ଫୁଲବାଣୀ ବିଧାୟକ ଦୁଗୁନି କହଁର, ବିଧାୟକ ପ୍ରତିନିଧି ପ୍ରଶାନ୍ତ କୁମାର କମ୍ପ, ଫିରିଙ୍ଗିଆ କୁଇ ସମାଜ ଶେବା ସମିତି ସଭାପତି ମୁକୁନ୍ଦ କହଁର, ଖଜୁରୀପଡା ବ୍ଲକର ପୂର୍ବତନ ବ୍ଲକ ଅଧକ୍ଷ ବୀରେନ୍ଦ୍ର କହଁର, କ୍ରୀଡା ସଂଗଠକ ଜଳନ୍ଧର ବେହେରା ସହ ଅଞ୍ଚଳର ବହୁ ଗଣ୍ୟମାନ୍ୟ ବ୍ୟକ୍ତି ବିଶେଷ ସମ୍ମାନିତ ଅତିଥି ଭାବରେ ଯୋଗ ଦେଇଥିଲେ। ୨ ଦିନ ଧରି ଅନୁଷ୍ଠିତ ହୋଇଥିବା ଏହି ପ୍ରତିଯୋଗିତାରେ ରାଜ୍ୟର ବଛାବଛା ୮ଟି ଟିମ ଭାଗ ନେଇଥିବା ବେଳେ ସୁଜିତ ଏଫସି ଫିରିଙ୍ଗିଆ ଓ ସୁରଜ ଏଫସି ସହ ଫାଇନାଲ ଖେଳ ଅନୁଷ୍ଠିତ ହୋଇଥିବା ବେଳେ ପେନାଲଟି ଜରିଆରେ ସୁଜିତ ଏଫସି କୁ ୨-୦ ଗୋଲରେ ହରାଇ ସୁରଜ ଏଫସି ଚମ୍ପିୟାନ ହୋଇଥିଲା।
Comments are closed.