ବୌଦ୍ଧ: ହରଭଂଗା ବ୍ଲକ ଅନ୍ତର୍ଗତ ସାମ୍ପଚ ଅଂଚଳରେ ଜଙ୍ଗଲୀ ହାତୀ ଆତଙ୍କ ଦେଖାଦେଇଛି। ବିଷ୍ଣୁପୁର ଗ୍ରାମରେ ଅଟକି ରହିଛନ୍ତି ହାତୀପଲ। ତିନୋଟି ହାତୀ ଗ୍ରାମରେ ପଶିବା ଦେଖି ଆଖପାଖ ଗ୍ରାମର ଲୋକେ ମଧ୍ୟ ଆତଙ୍କିତ ହୋଇ ରହିଛନ୍ତି। ଆଜି ସକାଳୁ ୩ ଟିକିଆ ହାତୀ ପଲ ଦେଖିବାକୁ ମିଳିଥିଲା। ସେମାନଙ୍କ ମଧ୍ୟରେ ଗୋଟିଏ ଛୁଆ ହାତୀ ଥିବା ଜଣାପଡିଛି। ଅନଗୁଳ ଜିଲା ଅଂଚଳରୁ ହାତୀ ପଲ ମହାନଦୀ ପାର ହୋଇ ଆସିଥାଇପାରନ୍ତି ବୋଲି ଗ୍ରାମବାସୀ କହୁଛନ୍ତି। ସନ୍ଧ୍ୟାରେ ବନ ବିଭାଗର କର୍ମଚାରୀ ଘଟଣାସ୍ଥଳରେ ପହଂଛି ହାତୀଙ୍କୁ ଘଉଡାଇବା ପାଇଁ ଲାଗିଛନ୍ତି। ଶହଶହ ସଂଖ୍ୟାରେ ଗ୍ରାମର ଲୋକ ଜମା ହୋଇଛନ୍ତି। ବନ ବିଭାଗର କର୍ମଚାରୀ ହାତୀଙ୍କୁ ଘଉଡାଇବା ପାଇଁ ଉଦ୍ୟମ କରୁଥିଲେ ବି ଏପର୍ୟ୍ୟନ୍ତ ସମ୍ଭବ ହୋଇପାରୁନଥିବା ସୂଚନା ମିଳିଛି।
Comments are closed.