ଭୁବନେଶ୍ବର : ଗୁରୁବାର ଦ୍ବିତୀୟ ପର୍ଯ୍ୟାୟ ମତଦାନ ଚାଲିଥିବା ବେଳେ ବିଭିନ୍ନ ସ୍ଥାନରେ ଭିନ୍ନଭିନ୍ନ କାରଣ ଦର୍ଶାଇ ଭୋଟରମାନେ ଭୋଟ ବର୍ଜନ କରିଛନ୍ତି । ବଲାଙ୍ଗୀର ଜିଲାର ୩ଟି ଗ୍ରାମର ଗ୍ରାମବାସୀ ଭୋଟ ବର୍ଜନ କରି ଥିବା ଜଣାପଡିଛି । ପୁଲିଂ ବୁଥ ଦୂରରେ ହୋଇଥିବାରୁ ଭୋଟ ନଦେବା ପାଇଁ ଗ୍ରାମବାସୀ ନିଷ୍ପତ୍ତି ନେଇଛନ୍ତି । ଆଗଲପୁର, ପଇଁତଳା ବ୍ଳକରେ ଭୋଟରମାନେ ଭୋଟ ଦେଇନାହାନ୍ତି । ଭଇଁଷାପାଲ୍ଲିରେ ବିଭିନ୍ନ ସମସ୍ୟାକୁ ନେଇ ଗ୍ରାମବାସୀମାନେ ଭୋଟ ବର୍ଜନ କରିଛନ୍ତି । ଲୋଇସିଂହା ନିର୍ବାଚନ ମଣ୍ଡଳୀ ଅନ୍ତର୍ଗତ ଲୋଇସିଂହା ବ୍ଲକ ବାନିପାଳି ଗ୍ରାମବାସୀଙ୍କ ଭୋଟ ବର୍ଜନ କରିଛନ୍ତି । ବବଜା ଗାଁରେ ଥିବା ପୁଲିଂ ବୁଥ ଉଠିଯିବାରୁ ଗ୍ରାମବାସୀମାନେ ଏହାକୁ ବିରୋଧ କରି ଭୋଟ ବର୍ଜନ କରିଛନ୍ତି । ପ୍ରାୟ ୬୦୦ ରୁ ଉର୍ଦ୍ଧ୍ବ ଭୋଟର ଭୋଟ ଦେଇନଥିବା ଜଣାପଡିଛି ।
ସେହିପରି ନୟାଗଡ଼ ଜିଲାର ଦଶପଲ୍ଲା ଅନ୍ତର୍ଗତ ଦୁଇଟି ପଞ୍ଚାୟତର ପ୍ରାୟ ୧୪ଟି ଗାଁର ମତଦାତାମାନେ ମତଦାନ ସାବ୍ୟସ୍ତ କରିନାହାଁନ୍ତି । ମୌଳିକ ସୁବିଧା ନ ମିଳିବାରୁ ସେମାନେ ଭୋଟ୍ ବର୍ଜନ କରିଥିବା ଜଣାପଡିଛି । ଗାଁକୁ ରାସ୍ତା ଓ ବ୍ରିଜ୍ ନଥିବା ପ୍ରତିବାଦରେ ଢିପମାଳ ଓ ଗୁମି ପଞ୍ଚାୟତର ଭୋଟରମାନେ ଆନ୍ଦୋଳନ କରିବା ସହ ଭୋଟ ବର୍ଜନ କରିଛନ୍ତି ।
Comments are closed.