ରାତି ୮ଟା ମୁଖ୍ୟ ଖବର

–ଆଜି ରାଜ୍ୟରେ ପୁଣି ସୁସ୍ଥ ହେଲେ ୧୦୨୪୨ କରୋନା ଆକ୍ରାନ୍ତ, ମୋଟ ଆରୋଗ୍ୟ ସଂଖ୍ୟା ୫୩୬୫୯୫କୁ ବୃଦ୍ଧି

–ଆଜି ଭୁବନେଶ୍ବର ମହାନଗର ନିଗମ ଅଞ୍ଚଳରେ ପୁଣି ୧୧୫୧ କରୋନା ଆକ୍ରାନ୍ତ ଚିହ୍ନଟ; ସୁସ୍ଥ ହେଲେ ୮୯୬

–ଦଶମ ଶ୍ରେଣୀ ମାର୍କ ପାଇଁ ଟାବୁଲେସନ ଅବଧି ବୃଦ୍ଧି କଲା ସିବିଏସ୍‌ଇ। ଟାବୁଲେସନ ପାଇଁ ଶେଷ ତାରିଖ ଜୁନ ୩୦ ପର୍ଯ୍ୟନ୍ତ ବୃଦ୍ଧି

–ଖଲିକୋଟ ବିଶ୍ବବିଦ୍ୟାଳୟ ଏକକ ବିଶ୍ବବିଦ୍ୟାଳୟ ହେବା ପରେ ମାନ୍ୟତା ରଦ୍ଦ। ମାନ୍ୟତା ହରାଇବା ନେଇ ଉଚ୍ଚଶିକ୍ଷା ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ

–ଅସ୍ତିତ୍ବ ହରାଇବ ଖଲିକୋଟ କ୍ଲଷ୍ଟର ବିଶ୍ବବିଦ୍ୟାଳୟ। ଆସନ୍ତା ସେପ୍ଟେମ୍ବର ୧ରୁ ଖଲିକୋଟ। ମାନ୍ୟତା ହରାଇବା ପରେ ବ୍ରହ୍ମପୁର ବିଶ୍ବବିଦ୍ୟାଳୟ ସହ ମିଶିବ।

– ଦିଲ୍ଲୀ ମୁଖ୍ୟମନ୍ତ୍ରୀଙ୍କ ବଡ଼ ଘୋଷଣା: ଦିଲ୍ଲୀରେ କୋଭିଡ ମୃତକ ପରିବାର ସଦସ୍ୟଙ୍କୁ ମିଳିବ ୫୦ହଜାର ଟଙ୍କାର ସହାୟତା

– ସହାୟତା ସହ ପରିବାରକୁ ମିଳିବ ୨୫୦୦ଟଙ୍କା ପେନସନ। ବାପାମା’ ହରାଇଥିବା ଶିଶୁଙ୍କୁ ୨୫ବର୍ଷ ପର୍ଯ୍ୟନ୍ତ ମିଳିବ ପେନସନ ଓ ମାଗଣା ଶିକ୍ଷା

– ଭାରତରେ ଏ ପର୍ଯ୍ୟନ୍ତ ୧.୮% ଲୋକ ସଂକ୍ରମିତ। ଆମେରିକାରେ ସର୍ବାଧିକ ୧୦.୧%, ଫ୍ରାନ୍ସରେ ୯%, ବ୍ରାଜିଲରେ ୭.୩%ରେ ଲୋକ ସଂକ୍ରମିତ-କେନ୍ଦ୍ର ସ୍ବାସ୍ଥ୍ୟ ଯୁଗ୍ମ ସଚିବ ଲବ ଅଗ୍ରୱାଲଙ୍କ ସୂଚନା

– ମହାରାଷ୍ଟ୍ର, ଦିଲ୍ଲୀ, ଉତ୍ତର ପ୍ରଦେଶ, ବିହାର, ମଧ୍ୟପ୍ରଦେଶ, ଛତିଶଗଡ଼ ଆଦିରେ କମୁଛି ସଂକ୍ରମଣ, ଅପରପକ୍ଷରେ ତାମିଲନାଡୁ, ତ୍ରିପୁରା, ସିକିମ, ମଣିପୁର, ମିଜୋରାମ ଆଦିରେ ସଂକ୍ରମଣ ବଢୁଛି

– ଓଡ଼ିଶାରେ ସଂକ୍ରମଣ କମି ନ ଥିଲେ ବି ପଜିଟିଭିଟି ହ୍ରାସ ପାଉଛି। ଓଡ଼ିଶାରେ ପଜିଟିଭିଟି ହାର ଏବେ ୨୩%କୁ ଖସିଛି। କରୋନା ସ୍ଥିତି ନେଇ କେନ୍ଦ୍ର ସ୍ବାସ୍ଥ୍ୟ ଯୁଗ୍ମ ସଚିବ ଲବ ଅଗ୍ରୱାଲଙ୍କ ସୂଚନା

– ଆଉ ୨ ସପ୍ତାହ ତାଲାବନ୍ଦ ଅବଧି ବଢ଼ାଇଲେ ରାଜ୍ୟ ସରକାର। ଜୁନ ୧ ତାରିଖ ସକାଳ ୫ଟା ପର୍ଯ୍ୟନ୍ତ ବଢ଼ିଲା ତାଲାବନ୍ଦ

– ସକାଳ ୭ ରୁ ୧୧ଟା ପର୍ଯ୍ୟନ୍ତ ପରିବାପତ୍ର ଓ ଅତ୍ୟାବଶ୍ୟକ ସାମଗ୍ରୀ କିଣିବାକୁ ଅନୁମତି ପ୍ରଦାନ

– ବାହାଘର, ବ୍ରତଘର, ଶୁଦ୍ଧି କାର୍ଯ୍ୟ ପାଇଁ ମଧ୍ୟ କଟକଣା ବୃଦ୍ଧି କରାଯାଇଛି। ବାହାଘରରେ ଏଣିକି ୫୦ ବଦଳରେ ୨୫ ଏକାଠି ହେବେ। ବର, କନ୍ୟା, ପୂଜକ, ବାଜାବାଲାଙ୍କୁ ମିଶାଇ ମୋଟ ୨୫ ଜଣ

–ଯାଜପୁରରେ ସ୍ବତନ୍ତ୍ର କୋଭିଡ଼ ହସ୍ପିଟାଲକୁ ମୁଖ୍ୟମନ୍ତ୍ରୀଙ୍କ ଅନୁମୋଦନ

–ରାଉରକେଲାରେ ଗଡ଼ିଲା ‘ସଞ୍ଜୀବନୀ ରଥ’: ଶଯ୍ୟାଶାୟୀ ଓ ଭିନ୍ନକ୍ଷମଙ୍କୁ ଘରେ ଦିଆଯିବ କୋଭିଡ୍ ଟିକା

–ବିଲ୍‍ ଗେଟ୍ସଙ୍କ ମତ- ଭାରତକୁ ଟିକା ପ୍ରସ୍ତୁତି ପଦ୍ଧତି ଦିଆଯିବା ଅନୁଚିତ

-ବଙ୍ଗୋପସାଗରରେ ଦାନା ବାନ୍ଧୁଛି ଆଉ ଏକ ଲଘୁଚାପ ; ଘନିଭୂତ ହୋଇ ନେଇପାରେ ବାତ୍ୟାର ରୂପ !