ରେଙ୍ଗାଲିକ୍ୟାମ୍ପ: ଅତାବିରା ବ୍ଲକ ଅନ୍ତର୍ଗତ ଜନତା ଉଚ୍ଚ ବିଦ୍ୟାଳୟରେ ରୋଟାରୀ କ୍ଳବ୍ ବୁର୍ଲା ପକ୍ଷରୁ ବିଶ୍ଵ ସ୍ଵାସ୍ଥ୍ୟ ଦିବସ ପାଳିତ ହୋଇ ଯାଇଛି। ବିଦ୍ୟାଳୟର ପ୍ରଧାନ ଶିକ୍ଷକ ଅଦନ ସୁନାଙ୍କ ଅଧ୍ୟକ୍ଷତାରେ ଆୟୋଜିତ ଏଇ କାର୍ଯ୍ୟକ୍ରମରେ ରୋଟାରୀ କ୍ଳବ୍ ସଭାପତି ତଥା ବିରଳ ଡାକ୍ତର ଖାନାର ପ୍ରଫେସର ଶ୍ରୀବତ୍ସ ମହାପାତ୍ର, କ୍ଲବର ଅନ୍ୟ ସଦସ୍ୟ ତଥା ସମ୍ବଲପୁର ବିଶ୍ଵବିଦ୍ୟାଳୟର ପ୍ରଫେସର ସଂଜଟ କୁମାର ସାହୁ ଓ ପ୍ରଫେସର ଡ଼ଃ ସାଧୁ ଚରଣ ପଣ୍ଡା ପ୍ରଫେସର ବ୍ରଜବନ୍ଧୁ ମିଶ୍ର, ଭିଶୁଟର ପ୍ରଫେସର ଏସ କେ ସ୍ୱାଇଁ ମଂଚାସୀନ ଥିଲେ। ଏହି ଅବସରରେ ଛାତ୍ର ଛାତ୍ରୀଙ୍କ ମଧ୍ୟରେ “ସ୍ବାସ୍ଥ୍ୟ ହିଁ ସମ୍ପଦ” ଉପରେ ଏକ ପ୍ରବନ୍ଧ ପ୍ରତିଯୋଗିତା ହୋଇଥିଲା। ଏଥିରେ ପ୍ରଥମ ସ୍ଥାନ ଅଧିକାର କରିଥିବା ପ୍ରାଚୀ ପ୍ରିୟଦର୍ଶିନୀ ନାଏକ, ଦ୍ଵିତୀୟ ସ୍ଥାନ ଅଧିକାର କରିଥିବା ଟେନିସ ଅଗ୍ରୱାଲ ଓ ତୃତୀୟ ସ୍ଥାନ ଅଧିକାର କରିଥିବା ରୁବୀ ପ୍ରଧାନଙ୍କୁ କ୍ଲବ ପକ୍ଷରୁ ପୁରସ୍କୃତ କରାଯାଇଥିଲା।
Comments are closed.