ସମ୍ବଲପୁର: ସମ୍ବଲପୁରର କ୍ଷେତରାଜପୁର ଥାନା ଅର୍ନ୍ତଗତ ଦୁର୍ଗାପାଲି ଲେଭଲ କ୍ରସିଂ ନିକଟରେ ଗତ ୧୬ ତାରିଖ ରାତ୍ରିରେ ପଶ୍ଚିମବଙ୍ଗର ପୁରୁଲିଆ ନିବାସୀ କଲ୍ୟାଣ ସାହୁ (୨୩) ନାମକ ଜଣେ ଶ୍ରମିକ ଶୌଚ ପାଇଁ ଯାଇଥିବା ବେଳେ ୨ ଜଣ ଯୁବକ ଅଚାନକ ଆସି ତାକୁ ଏକ ଲୁହା ରଡରେ ମାଡ ମାରିଥିଲେ। ମାଡ ମାରିବା ସହିତ ଅଶ୍ରାବ୍ୟ ଭାଷାରେ ଗାଳିଗୁଲଜ କରି ତାଙ୍କ ନିକଟରୁ ଏକ ମୋବାଇଲ ଲୁଟ କରି ଧମକଚମକ ଦେଇ ଫେରାର ମାରିଥିଲେ। ଲୁହା ରଡ ମାଡରେ ପିଡିତଙ୍କ ମୁଣ୍ଡ ଓ ଗୋଡରେ ଆଘାତ ଲାଗିଥିବା ବେଳେ ସେ କ୍ଷେତରାଜପୁର ଥାନାରେ ଅଭିଯୋଗ କରିବାରୁ ମାମଲା ସଂଖ୍ୟା ୨୦୮/୨୦୨୩ ରୁଜୁ କରି ପୁଲିସ ଘଟଣାର ତଦନ୍ତ କରିଥିଲା। ତଦନ୍ତ ସମୟରେ ଅଭିଯୁକ୍ତ ଖଡିଆପଡ଼ା ନିବାସୀ ନନ୍ଦୁ ଓରାମ ଓ ଆକାଶ ମେହେରଙ୍କୁ ଗିରଫ କରି ଲୁଟ ହୋଇଥିବା ମୋବାଇଲ ଓ ଆକ୍ରମଣରେ ବ୍ୟବହୃତ ଲୁହା ଛଡ ଜବତ କରି ଗିରଫ କରିଛି।
Popular Categories
Previous article
Next article