ଗୋପାଳପୁର: ଗୋଳନ୍ଥରା ଗ୍ରାମ ପଞ୍ଚାୟତ ଏବଂ ସମରଝୋଳ ସ୍ଥିତ ଶଙ୍କର ଚକ୍ଷୁ ଚିକିତ୍ସାଳୟର ମିଳିତ ସହଯୋଗରେ ମାଗଣା ପରଳ ଚକ୍ଷୁ ପରୀକ୍ଷା ଶିବିର, ଗୋଳନ୍ଥରା ଗ୍ରାମ ପଞ୍ଚାୟତ ରାଜୀବ ଗାନ୍ଧୀ ସେବାକେନ୍ଦ୍ର ଠାରେ ଆୟୋଜନ କରାଯାଇଥିଲା। ଉକ୍ତ ଶିବିର ପୂର୍ବତନ ଜିଲ୍ଲା ପରିଷଦ ସଭ୍ୟ ବିନୋଦ ଚନ୍ଦ୍ର ମିଶ୍ରଙ୍କ ସଭାପତିତ୍ୱରେ ଆୟୋଜିତ ହୋଇଥିବା ବେଳେ ମୁଖ୍ୟ ଅତିଥି ଭାବେ ବରିଷ୍ଠ ସମାଜସେବୀ ଦିଲ୍ଲୀପ କୁମାର ସାହୁ, ସମ୍ମାନନୀୟ ଅତିଥି ଭାବେ ନାଏବ ସରପଞ୍ଚ ଶିବାନନ୍ଦ ପଟ୍ଟନାୟକ, ସମାଜସେବୀ ଅମରେନ୍ଦ୍ର ଜେନା, ଗୌତମ ବରାଡ଼, ରମି ଦଳାଇ ପ୍ରମୁଖ ଉପସ୍ଥିତ ରହି ଥିଲେ।। ଏଥିରେ ସମସ୍ତ ପ୍ରକାର ଚକ୍ଷୁର ପରୀକ୍ଷା ନିଃଶୁଳ୍କ କରାଯାଇଥିଲା। ମୋଟ ୫୧ ମହିଳା ଓ ପୁରୁଷଙ୍କର ଚକ୍ଷୁ ପରୀକ୍ଷା କରାଯିବା ସହ ୯ ଜଣଙ୍କୁ ଚଷମା ଦିଆଯିବା ବେଳେ ୧୮ ଜଣଙ୍କୁ ପରଳ ବା ମୋତିଆବିନ୍ଦୁ ଅପରେସନ ନିମନ୍ତେ ଚିହ୍ନଟ କରାଯାଇଥିଲା।
Comments are closed.