ଗୋପାଳପୁର – ଭାରତୀୟ ପ୍ରାଣୀ ସର୍ବେକ୍ଷଣ କେନ୍ଦ୍ର (ଜେଡ ଏସ ଆଇ) ଏବଂ ନ୍ୟାସନେଲ ବ୍ୟୁରୋ ଅଫ ଫିସ ଜେନେଟିକ ରିସୋରସେସ (ଏନ୍ ବି ଏଫ୍ ଜି ଆର୍ ) ମିଳିତ ସହଯୋଗରେ ଭାରତର ଦକ୍ଷିଣ-ପୂର୍ବ ଉପକୂଳରୁ ନୂତନ ମାଛ ଆବିଷ୍କାର କରାଯାଇଛି । ଏହି ମାଛର ନାମ ଓପିକଥସ୍ । ଏହା ଏକ ନୂତନ ଇଲ୍ ପ୍ରଜାତିର ମାଛ ।
ନ୍ୟାସନେଲ ବ୍ୟୁରୋ ଅଫ ଫିସ ଜେନେଟିକ ରିସୋର୍ସେସ (ଏନ୍ ବି ଏଫ୍ ଜି ଆର୍ ) ସହ ବୁଝାମଣା ପତ୍ର ସମ୍ପାଦନ ହେବା ପରେ ଏହି ନୂତନ ମାଛର ଆବିଷ୍କାର ପ୍ରଥମ ମିଳିତ ଗବେଷଣାରୁ ଚିହ୍ନଟ ହୋଇଛି ବୋଲି ଭାରତୀୟ ପ୍ରାଣୀ ସର୍ବେକ୍ଷଣ କେନ୍ଦ୍ରର ନିର୍ଦେଶକ ଡ଼କ୍ଟର ଧ୍ରୀତି ବାନାର୍ଜୀ କହିଛନ୍ତି l ଏହି ନୂତନ ମାଛ ର ନାମ ଓପିକଥସ୍ ନାଭିଅସ ନାମ ରେ ନାମିତ କରାଯାଇଛି ବୋଲି ବୈଜ୍ଞାନିକ ଡ଼ ଅନିଲ ମହାପାତ୍ର କହିଛନ୍ତି। ଏହି ମାଛ ର ଉପର ପାର୍ଶ୍ୱ ରେ ବହୁତ ଗୁଡିଏ କଳା ଦାଗ ରହିଥିବା ରୁ ଲାଟିନ ଭାଷା ରେ ଏହି ଦାଗକୁ ନାଇଭିୟୁସ କୁହାଯାଏ।
ଏହାର ଉପର ପାର୍ଶ୍ୱ ବହୁ କଳା ଦାଗ ରହିଛି | ତଳ ଶରୀର ଫିକା ହଳଦିଆ ସବୁଜl ଏହାର ମେରୁଦଣ୍ଡ ସଂଖ୍ୟା ୧୨–୧୪ / ୫୨–୫୩ / ୧୩୪–୧୩୮ ରହିଛି। ଏହି ମାଛ ର ମଧ୍ୟ ଡି ଏନ୍ ଏ ପରୀକ୍ଷା (ଏନ୍ ବି ଏଫ୍ ଜି ଆର୍ ) ରେ କରାଯାଇଥିଲା l ମାଛ ର ଗବେଷଣା ରେ ମିଳିତ ଭାବେ ପରମସିବମ୍ କୋଡେଶ୍ୱରନ୍, ଡଃ ଆୟାଥୁରାଇ କାଥିରଭେଲପାଣ୍ଡିଆନ୍, ବୈଜ୍ଞାନିକ ଡଃ ଅନିଲ ମହାପାତ୍ର,ବୈଜ୍ଞାନିକ ଥିପ୍ରାମାଲାଇ ଥାଙ୍ଗାପ୍ପାନ ପିଲାଇ ଅଜିତ କୁମାର ଏବଂ ବୈଜ୍ଞାନିକ ଡଃ ଉତ୍ତମ କୁମାର ସରକାର ମିଳିତ ଭାବେ କାମ କରିଥିଲେ l ଏହି ମାଛ କୁ ବଙ୍ଗୋପସାଗର ଦକ୍ଷିଣ ପୂର୍ବ ଉପକୂଳ, କୁଡାଲୋର ଉପକୂଳରୁ ମୁଦାସାଲୋଡାଇ ମାଛ ଅବତରଣ କେନ୍ଦ୍ରରୁ ପାଞ୍ଚଟି ନମୁନା ଗବେଷକ ପି. କୋଡ଼େଶ୍ୱରନ ଙ୍କ ଦ୍ୱାରା ୨୦୨୨ ମସିହା ରେ ସଂଗ୍ରହ କରା ଯାଇଥିଲା l ଏହି ନୂତନ ମାଛ ର ସବିବିଶେଷ ବିବରଣୀ ଆନ୍ତର୍ଜାତିକ ଖ୍ୟାତି ସମ୍ପନ୍ନ ପତ୍ରିକା ଜର୍ଣ୍ଣାଲ ଅଫ ଫିସ ବାୟୋଲୋଜି ରେ ପ୍ରକାଶ ପାଇଛି l ଏହି ମାଛ ର ଅଧିକ ତଥ୍ୟ ସଂଗ୍ରହ କରାଯାଉଥିବା ନେଇ ଜେଡ୍ ଏସ ଆଇ ର ବୈଜ୍ଞାନିକ ଡଃ ଅନିଲ ମହାପାତ୍ର ସୂଚନା ଦେଇଛନ୍ତି ।
