କେନ୍ଦୁଝରଗଡ: ସରକାରୀ ମହିଳା ମହାବିଦ୍ୟାଳୟରେ ଓଡ଼ିଶା ସରକାରଙ୍କ ଦ୍ଵାରା ପ୍ରାୟୋଜିତ ୧୮ତମ ପ୍ରବାସୀ ଭାରତୀୟ ଦିବସ ପାଳିତ ହୋଇଯାଇଛି । ଏହି ଅବସରରେ ମହାବିଦ୍ୟାଳୟର ଅଧ୍ୟକ୍ଷ ପ୍ରଫେସର ଡ଼କ୍ଟର ଲଲିତ ରଞ୍ଜନ ସାହୁ ଆନୁଷ୍ଠାନିକଭାବେ ଉଦଘାଟନ କରିଥିଲେ। ଏହି ପରିପ୍ରେକ୍ଷୀରେ ମହାବିଦ୍ୟାଳୟରେ ପ୍ରବନ୍ଧ ଲିଖନ, ପୋଷ୍ଟର ଉପସ୍ଥାପନା, ୱାକାଥନ୍ ପ୍ରଭୃତି ପ୍ରତିଯୋଗିତା ଅନୁଷ୍ଠିତ ହୋଯାଇଅଛି।
କୃତୀ ଛାତ୍ରୀମାନଙ୍କୁ ଆସନ୍ତା ଶୁକ୍ରବାର ଅଧ୍ୟକ୍ଷ ଓ ନିମନ୍ତ୍ରିତ ଅତିଥିମାନଙ୍କ ଦ୍ଵାରା ପୁରସ୍କୃତ ପ୍ରଦାନ କରାଯିବ । କେନ୍ଦୁଝର ଜିଲ୍ଲା ସଦର ପୋଲିସଙ୍କ ସହାୟତାରେ ମହାବିଦ୍ୟାଳୟର ଶତାଧିକ ଛାତ୍ରୀମାନଙ୍କ ଦ୍ଵାରା ପ୍ରବାସୀ ଭାରତୀୟଙ୍କୁ ସ୍ବାଗତ ଉଦ୍ଦେଶ୍ୟରେ ମହାବିଦ୍ୟାଳୟ ପରିସରରୁ ଲାବଣ୍ୟଛକ ପର୍ଯ୍ୟନ୍ତ ଏକ ପଦଯାତ୍ରା କରାଯାଇଥିଲା ।
ଏହି ପଦଯାତ୍ରାରେ ଅଧ୍ୟକ୍ଷଙ୍କ ସମେତ ରସାୟନ ବିଭାଗ ମୁଖ୍ୟ ପ୍ରଫେସର ବିଷ୍ଣୁ ଚରଣ ଦାସ, ପ୍ରବାସୀ ଭାରତୀୟ ସଂଯୋଜକ ଡ଼କ୍ଟର ଋଷିନଥ ନାଏକ, ରାସାୟନିକ ଅଧ୍ୟାପିକା ଡ଼କ୍ଟର ପ୍ରୀତିମଞ୍ଜରି ମିଶ୍ର, ବାଣିଜ୍ୟ ଅଧ୍ୟାପକ ଡ଼କ୍ଟର ଜ୍ଞାନରଞ୍ଜନ ଦାସ, ଉଦ୍ଭିଦ ବିଜ୍ଞାନ ଅଧ୍ୟାପକ ସୁରେଶ ଚନ୍ଦ୍ର ଜେନା, ଅର୍ଥନୀତି ବିଭାଗ ମୁଖ୍ୟ ଗୀତାଞ୍ଜଳି ନାୟକ, ରାଜନୀତି ବିଭାଗ ମୁଖ୍ୟ ଦେବାନନ୍ଦ ମଲ୍ଲିକ, ଇଂରାଜୀ ବିଭାଗ ମୁଖ୍ୟ ଡ଼କ୍ଟର ନିବେଦିତା ଦାସ, ଓଡ଼ିଆ ଭାଷା ସାହିତ୍ୟ ଅଧ୍ୟାପକ ଡ଼କ୍ଟର ସୂର୍ଯ୍ୟ କାନ୍ତ ନାଏକ, ସମାଜ ବିଜ୍ଞାନ ଅଧ୍ୟାପକ ଦୁର୍ଯ୍ୟୋଧନ ଦାସ, ଅର୍ଥନୀତି ଅଧ୍ୟାପିକା ବିଦ୍ୟା ଦେବତା ଓ ମହାବିଦ୍ୟାଳୟର କର୍ମଚାରୀ ସାମିଲ ହୋଇଥିଲେ ।
Comments are closed.