ନେମାଳ : ନିଶ୍ଚିନ୍ତକୋଇଲି ବ୍ଲକ ଇସାଣୀବରହମପୁର ପଞ୍ଚାୟତର ବିଭିନ୍ନ ପ୍ରକଳ୍ପର ଶିଳାନ୍ୟାସ ଉତ୍ସବ କଟକ ସଦର ବିଧାୟକ ତଥା ରାଜ୍ୟ କ୍ରୀଡା ଓ ଯୁବ ସେବା ବ୍ୟାପାର ମନ୍ତ୍ରୀ ଚନ୍ଦ୍ରସାରଥି ବେହେରାଙ୍କ ଦ୍ୱାରା ଅନୁଷ୍ଠିତ ହୋଇଯାଇଛି। ପ୍ରଥମେ ମନ୍ତ୍ରୀ ଶ୍ରୀ ବେହେରା ୩ କୋଟି ୭୧ ଲକ୍ଷ ଟଙ୍କା ବ୍ୟୟରେ ସାଧୁସାହି ରାସ୍ତାରୁ ହନୁମାନ ମନ୍ଦିର ବ୍ରହ୍ମଣଭୂଇ ରାସ୍ତା ଭିତିପ୍ରସ୍ତାର ସ୍ଥାପନ କରିଥିଲା ବେଳେ ୭୫ ଲକ୍ଷ ଟଙ୍କା ବ୍ୟୟରେ ଇସାଣୀ ବରହମପୁର ସାଧୁସାହି ଗ୍ରାମ୍ୟ ପାନୀୟ ଜଳ ପ୍ରକଳ୍ପର ଶିଳାନ୍ୟାସ କରିଛନ୍ତି। ଏହି ଉପଲକ୍ଷେ ଆୟୋଜିତ ସଭାରେ ପ୍ରାକ୍ତନ ଜିଲ୍ଲାପରଷଦ ସଭ୍ୟ ଅଚ୍ୟୁତାନନ୍ଦ ଦାସଙ୍କ ସଭାପତିତ୍ୱରେ ମୁଖ୍ୟ ଅତିଥିଭାବେ ମନ୍ତ୍ରୀ ଶ୍ରୀ ବେହେରା ଯୋଗଦେଇ ଓଡିଶାର ବିକାଶଧାରକୁ ତ୍ୱରାନ୍ୱିତ କରିବା ସହ ରାଜ୍ୟକୁ ଭାରତ ବର୍ଷର ଏକନମ୍ବର କରିବା ପାଇଁ ନବୀନବାବୁଙ୍କୁ ପଞ୍ଚମଥର ଭାବେ ଓଡିଶାର ଶାସନ ଭାର ଦେବାକୁ ନିବେଦନ କରିଥିଲେ। ଏଥିରେ ସରପଞ୍ଚ ଚାରୁଲତା ସେଠୀ, ସମିତିସଭ୍ୟା କୁନ୍ତଳା ଭୋଇ, ବରିଷ୍ଠ ବିଜେଡି ନେତା ରମେଶ ଚନ୍ଦ୍ର ସ୍ୱାଇଁ ପ୍ରମୁଖ ଯୋଗଦେଇଥିଲେ। ଏଥିରେ ବହୁ ମହିଳା ଓ ଗ୍ରାମବାସୀମାନେ ଉପସ୍ଥିତ ରହି କାର୍ଯ୍ୟକ୍ରମକୁ ସଫଳ କରାଇଥିଲେ। ମନ୍ତ୍ରୀଙ୍କର ଏହି ଶିଳାନ୍ୟାସ ଉତ୍ସବ ପରେ ଗ୍ରାମବାସୀଙ୍କର ବହୁ ଦିନର ଆଶା ପୂରଣ ହେବାକୁ ଯାଉଥିବାରୁ ଅଞ୍ଚଳବାସୀ ମନ୍ତ୍ରୀ ଶ୍ରୀ ବେହେରାଙ୍କୁ କୃତଜ୍ଞତା ଜ୍ଞାପନ କରିଥିଲେ।
