ମାଲକାନଗିରି : ମାଲକାନଗିରି ସୀମାନ୍ତରେ ପୁଣି ପୁଲିସ ଓ ମାଓବାଦୀଙ୍କ ମଧ୍ୟରେ ଗୁଳି ବିନିମୟ ଘଟି ଜଣେ ମାଓବାଦୀଙ୍କ ମୃତ୍ୟୁ ଘଟିଥିବା ଜଣାପଡିଛି। ସୂଚନା ମୁତାବକ, ସୁକୁମା ଜିଲ୍ଲା ଚିନ୍ତାଗୁଫା ଥାନା ଅନ୍ତର୍ଗତ ରାବେର ଜଙ୍ଗଲରେ ଗୁରୁବାର ସିଆରପିଏଫର କୋବ୍ରା ବାଟାଲିୟନ ପକ୍ଷରୁ କୁମ୍ବି ଅପରେସନ ବେଳେ ମାଓବାଦୀଙ୍କ ସହ ଗୁଳି ବିନିମୟ ଘଟିଥିଲା ଏବଂ ଏଥିରେ ଜଣେ କୁଣ୍ଟା ଆଞ୍ଚଳିକ ସମିଟି ମାଓ ସଦସ୍ୟଙ୍କ ମୃତ୍ୟୁ ଘଟିଛିା ଘଟଣା ସ୍ଥଳରେ ପୁଲିସ ବ୍ୟାନର, ପୋଷ୍ଟର ଓ ବିସ୍ପୋରକ ସାମଗ୍ରୀ ଜବତ କରିଛି। ସେହିପରି ନାରାୟଣପୁର ଜିଲ୍ଲା ଅର୍ଛା ନିକଟରେ ଏକ ଯାତ୍ରିବାହୀ ବସକୁ ଅଟକାଇ ମାଓବାଦୀମାନେ ଜଣେ ଅଜ୍ଞାତ ବ୍ୟକ୍ତିଙ୍କୁ ହତ୍ୟା କରିଛନ୍ତିା ତେବେ ମୃତକଙ୍କ ପରିଚୟ ମିଳି ନଥିବା ବେଳେ କେଉଁ ପରିସ୍ଥିତିରେ ତାଙ୍କୁ ହତ୍ୟା କରାଯାଇଛି ତାହା ନେଇ ପୁଲିସ ତଦନ୍ତ ଜାରି ରଖିଛିା
