ନର୍ଲା : ନର୍ଲା ବ୍ଲକ ଅନ୍ତର୍ଗତ ତୁଳାପଡା ଗ୍ରାମକୁ ଲାଗି ରହିଥିବା ଏକମାତ୍ର ପୋଖରୀ ତୁଳସୀ ବନ୍ଧର ଅବସ୍ଥା ଶୋଚନୀୟ ହୋଇପଡିଛି । ଏହି ବନ୍ଧର ପାଣିକୁ ତୁଳାପଡାର ଶହଶହ ଲୋକ ବ୍ୟବହାର କରୁଥିବା ବେଳେ ସମସ୍ତେ ଏହାର ପାଣି ଉପରେ ନିର୍ଭରଶୀଳ । ଅନ୍ୟପଟେ ବ୍ଲକ ପ୍ରଶାସନ ଉକ୍ତ ପୋଖରୀକୁ ମାଛଚାଷ ପାଇଁ ଠିକା ଦେଇ ଭଲ ବ୍ୟବସାୟ କରୁଥିବା ବେଳେ ଶହଶହ ଲୋକଙ୍କର ଜୀବନ ବଞ୍ଚାଉଥିବା ପୋଖରୀର ପାଣି ପ୍ରତି ତିଳେହେଁ ଚିନ୍ତା ନାହିଁ । ବର୍ତ୍ତମାନ ମାଛଚାଷ ପାଇଁ ମଝିରେ ମଝିରେ ଜାଲ ପକେଇ ଏହି ବନ୍ଧରୁ ମାଛ ଧରା ଯାଉଛି ଓ ସେହି ଗୋଳିଆ ପାଣିକୁ ଲୋକେ ବ୍ୟବହାର କରୁଛନ୍ତି । ଖରା ଦିନରେ ତୁଳାପଡାଗ୍ରାମବାସୀଙ୍କ ପାଇଁ ଏକମାତ୍ର ସାହାରା ତୁଳସୀବନ୍ଧର ପାଣି ଦିନକୁଦିନ ଦୁର୍ଗନ୍ଧମୟ ହୋଇପଡୁଥିବା ବେଳେ କିଛି ଦିନ ହେଲା ଉତ୍କଟ ଦୁର୍ଗନ୍ଧରେ ନାକ ଫାଟି ପଡୁଛି । ଦୁର୍ଗନ୍ଧ ହେଉଥିବା ପାଣିକୁ ଲୋକେ ବାଧ୍ୟହୋଇ ଵ୍ୟଵହାର କରୁଛନ୍ତି । ଆଗାମୀ ଦିନରେ ପାଣିର କାରଣରୁ କୌଣସି ସଂକ୍ରମଣ ରୋଗ ହେବା ଆଶଙ୍କାକୁ ଏଡାଇଦିଆ ଯାଇନପାରେ । ପ୍ରଶାସନ ତୁରନ୍ତ ଏଥିପ୍ରତି ଦୃଷ୍ଟି ଦେବା ସହ ମାଛଚାଷ ଠିକାକୁ ବାତିଲ କରିବା ସହ ଆଗାମୀ ଦିନରେ ସରକାରୀ ଠିକାରୁ ଉକ୍ତ ବନ୍ଧକୁ ମୁକ୍ତ କରିବାକୁ ସାଧାରଣରେ ଦାବୀ ହେଉଛି ।
Popular Categories
Previous article
Next article