ଆଳୁ ଦର ବୃଦ୍ଧି, ମମତାଙ୍କୁ ଚିଠି ଲେଖି ଅନୁରୋଧ କଲେ ନବୀନ

ଡେସ୍କ: ସରକାର ପଛେ ନ ଥାଉ କି ନବୀନ ମୁଖ୍ୟମନ୍ତ୍ରୀ ନ ଥାଆନ୍ତୁ, କିନ୍ତୁ ଓଡିଶାବାସୀଙ୍କ ଦୁଃଖରେ ସେ ସବୁବେଳେ ସହଭାଗୀ। ସୂଚନା ଅନୁଯାୟୀ, ରାଜ୍ୟରେ ଆଳୁ ଦର ଅହେତୁକ ଭାବେ ବୃଦ୍ଧି ପାଉଥିବା ବେଳେ ରାଜ୍ୟ ସରକାରଙ୍କ ପକ୍ଷରୁ ସେଭଳି କୌଣସି ଠୋସ ପଦକ୍ଷେପ ଗ୍ରହଣ କରାଯାଉ ନାହିଁ। କିଲୋଗ୍ରାମ ପିଛା ଆଳୁ ୩୨ ଟଙ୍କାରୁ ଅଧିକ ଦରରେ କୌଣସି ଦୋକାନୀ ବିକ୍ରି କରିପାରିବେନି ବୋଲି ଆଜି ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର କହିଛନ୍ତି। ଅଧିକ ଦରରେ ବିକ୍ରି କରୁଥିବା ଜଣାପଡ଼ିଲେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ମନ୍ତ୍ରୀ କହିଛନ୍ତି। କିନ୍ତୁ ସେଥିପ୍ରତି କାହାର ନଜର ନାହିଁ। ସବୁଆଡେ ଆଳୁ ଚଢା ଦରରେ ବିକ୍ରି ହେଉଛି।

Learnt from media reports that long queues of trucks loaded with potatoes are waiting at the West Bengal border. Requested Honourable Chief Minister of West Bengal @MamataOfficial Ji to kindly intervene in the matter and ensure smooth supply of potatoes to #Odisha.

As you know,… pic.twitter.com/FM826QbcUr

— Naveen Patnaik (@Naveen_Odisha) July 26, 2024

ତେବେ ଆଜି ପୂର୍ବତନ ମୁଖ୍ୟମନ୍ତ୍ରୀ ତଥା ବିଜେଡି ସୁପ୍ରିମୋ ନବୀନ ପଟ୍ଟନାୟକ ଆଳୁ ଦର ବୃଦ୍ଧି ନେଇ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ପତ୍ର ଲେଖିଛନ୍ତି। ଏହି ପତ୍ରରେ ନବୀନ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ସୁଶ୍ରୀ ମମତା ବାନାର୍ଜୀଙ୍କୁ ହସ୍ତକ୍ଷେପ କରିବା ଲାଗି ଅନୁରୋଧ କରିଛନ୍ତି। ଉଭୟ ପଶ୍ଚିମବଙ୍ଗ ଓ ଓଡ଼ିଶାର ଲୋକେ ପ୍ରଭୁ ଜଗନ୍ନାଥଙ୍କ ଭକ୍ତ ତେଣୁ ସେ ଦୃଷ୍ଟିରୁ କିଭଳି ଆଳୁ ଦର ହ୍ରାସ ପାଇବ ଓ ଓଡିଶାକୁ ଆଳୁ ଆସିପାରିବ, ସେ ନେଇ ପଦକ୍ଷେପ ଗ୍ରହଣ କରିବାକୁ ମମତାଙ୍କୁ ଅନୁରୋଧ କରିଛନ୍ତି ବିଜେଡି ସୁପ୍ରିମୋ ନବୀନ। ଉଭୟ ରାଜ୍ୟ ମଧ୍ୟ ସାଂସ୍କୃତିକ ସମ୍ପର୍କ ଅତି ନିବିଡ଼ ତେଣୁ ସାଧାରଣ ଲୋକେ ଯେଭଳି ଆଳୁ ପାଇଁ ଅସୁବିଧାରେ ନ ପଡନ୍ତି, ସେ ନେଇ ବିଚାର କରିବାକୁ ନବୀନ ପଶ୍ଚିମବଙ୍ଗ ମୁଖ୍ୟମନ୍ତ୍ରୀଙ୍କୁ ପତ୍ର ଲେଖି ଅନୁରୋଧ କରିଛନ୍ତି। ଏବେ ଓଡିଶା-ପଶ୍ଚିମବଙ୍ଗ ସୀମାରେ ପ୍ରାୟ ୫୦ରୁ ଅଧିକ ଆଳୁ ଟ୍ରକ ଅଟକି ରହିଥିବା ଜଣାପଡିଛି।

ଅଧିକ ସମ୍ବାଦ ପାଇଁ ଏହି ଲିଙ୍କରେ କ୍ଲିକ କରନ୍ତୁ: https://samajalive.in

ମୋବାଇଲରେ ସମ୍ବାଦ ପାଇବା ପାଇଁ ଏହି ଲିଙ୍କରେ କ୍ଲିକ କରି ଆମ ହ୍ଵାଟସ ଆପ ଗୃପରେ ଜଏନ କରନ୍ତୁ: https://chat.whatsapp.com/8tkc88wC0L7089V56S8SyG

ସମାଜ ଡିଜିଟାଲ ନିଉଜ ଅପଡେଟ ଚ୍ୟାନେଲରେ ଫଲୋ କରିବା ପାଇଁ ଏହି ଲିଙ୍କରେ କ୍ଲିକ କରନ୍ତୁ: https://whatsapp.com/channel/0029VaKt8Sq0gcfMSlTf6B43