ନୂଆଦିଲ୍ଲୀ : ଜେଏସଡବ୍ଲୁ ଏମଜି ମୋଟର ଇଣ୍ଡିଆ ଭାରତରେ ନିଜ ଲୋକପ୍ରିୟ ଏମଜି କମେଟ ଇଭିର ୨୦୨୫ ଭର୍ସନ ଲଞ୍ଚ୍ କରିଦେଇଛି । ଏବେ ଏହି ଇ-କାର୍ ନୂଆ ସେଫ୍ଟି ଫିଚର ସହିତ ଓ ପୂର୍ବ ଅପେକ୍ଷା ଅଧିକ ଆଡଭାନ୍ସ ହୋଇଯାଇଛି । ଏଥିରେ ନୂଆ ଆଡଭାନ୍ସ ଫିଚର ଓ ୮ ବର୍ଷର ବ୍ୟାଟେରୀ ଓ୍ବାରେଣ୍ଟି ମିଳିବ । ଥରେ ଚାର୍ଜ କଲେ ଏହା ୨୨୯ କିଲୋମିଟର ପର୍ଯ୍ୟନ୍ତ ଯାତ୍ରା କରିପାରିବ । ଏହାର ଦାମ୍ ୪.୯୯ ଲକ୍ଷ ଟଙ୍କା(ଏକ୍ସ-ଶୋରୁମ)ରୁ ଆରମ୍ଭ ହୋଇଥାଏ ।
୨୦୨୫ ଏମଜି କମେଟ୍ ଇଭିକୁ ନୂଆ ଟେକ୍ନୋଲୋଜି ଓ ଆଡଭାନ୍ସ ଫିଚର ସହିତ ଅପଗ୍ରେଡ୍ କରାଯାଇଛି । ଏଥିରେ ମିଳୁଥିବା ନୂଆ ସେଫ୍ଟି ଓ ଆରାମଦାୟକ ଫିଚର ରୂପେ ଏବେ ଏଥିରେ ରିୟର ପାର୍କିଂ କ୍ୟାମେରା ମିଳୁଛି ଯାହା ଫଳରେ ଗାଡିକୁ ବ୍ୟାକ୍ କରିବାରେ ସୁବିଧା ହେବ । ଇଲେକ୍ଟ୍ରୋନିକ୍ ଉପାୟରେ ଆଡଜଷ୍ଟ ହେଉଥିବା ପାଓ୍ବର ଫୋଲ୍ଡିଂ ଓଆରଭିଏମଏସ ରହିଛି ।
ଏହା ବ୍ୟତୀତ କାରକୁ ବାଲାନ୍ସ୍ଡ କରିବା ପାଇଁ ଇଲେକ୍ଟ୍ରୋନିକ୍ ଷ୍ଟାବିଲିଟି କଣ୍ଟ୍ରୋଲ ମିଳୁଛି । ଇଲେକ୍ଟ୍ରୋନିକ୍ ପାର୍କିଂ ବ୍ରେକିଂ ସିଷ୍ଟମ ମଧ୍ୟ ମିଳୁଛି । ଏହି ଇଭିରେ କ୍ରିପ୍ ମୋଡ ଦିଆଯାଇଛି ଯାହା ଫଳରେ ବ୍ରେକ୍ ହଟାଇବାମାତ୍ରେ କାର୍ ଧିରେ ଧିରେ ଆଗକୁ ଚାଲିବ । ଏହା ଫଳରେ ଟ୍ରାଫିକରେ ଡ୍ରାଇଭିଂ ସହଜ ହୋଇଯିବ । ୨୦୨୫ ଏମଜି କମେଟ ଇଭିର ଫାଷ୍ଟ ଚାର୍ଜିଂ ଭାରିଆଣ୍ଟ୍ସରେ ୧୭.୪ କିଲୋଓ୍ବାଟର ବ୍ୟାଟେରୀ ଦିଆଯାଇଛି । ଥରେ ଚାର୍ଜ କଲେ ଏହି ଇଭି ପ୍ରାୟ ୨୩୦ କିଲୋମିଟର ଯାତ୍ରା କରିପାରିବ । ଏହାର ବ୍ୟାଟେରୀରେ ୮ ବର୍ଷ କିମ୍ବା ୧.୨ ଲକ୍ଷ କିଲୋମିଟରର ଓ୍ବାରେଣ୍ଟି ମିଳିଥାଏ ।
Comments are closed.