ମାସୁଦକୁ ନିଷିଦ୍ଧ ଘୋଷଣା ପାଇଁ ପୁଣି ଜାତିସଙ୍ଘରେ ପ୍ରସ୍ତାବ ଆଣିବ ଫ୍ରାନ୍ସ
ପ୍ୟାରିସ : ଏକ ମହତ୍ତ୍ବପୂର୍ଣ୍ଣ ଘଟଣାକ୍ରମେ ଜୈସ୍-ଇ-ମହମ୍ମଦ ମୁଖ୍ୟ ମାସୁଦ ଆଝାରକୁ ନିଷିଦ୍ଧ କରିବା ପାଇଁ ଜାତିସଙ୍ଘରେ ପ୍ରସ୍ତାବ ଆଗତ କରିବ ଫ୍ରାନ୍ସ। ପାକିସ୍ତାନ ଆଧାରିତ ଏହି ଆତଙ୍କବାଦୀ ସଂଗଠନର ମୁଖ୍ୟକୁ ନିଷିଦ୍ଧ କରିବା ତଥା ବିଶ୍ବ ଆତଙ୍କବାଦୀ ଘୋଷଣା କରିବା ପାଇଁ ୨୦୧୭ରେ ଇଂଲଣ୍ଡ ଓ ଫ୍ରାନ୍ସ ସହାୟତାରେ ଆମେରିକା ଏଭଳି ଏକ ପ୍ରସ୍ତାବ ଜାତିସଙ୍ଘରେ ଆଗତ କରିଥିଲା; ଯାହାକୁ ଚୀନ୍ ଭିଟୋ ପ୍ରୟୋଗ ଦ୍ବାରା ଅଟକାଇଛି। ଜାତିସଙ୍ଘର ୧୨୬୭ସାଙ୍କସନ୍ସ କମିଟିରେ ଏହି ପ୍ରସ୍ତାବ ଆଗତ ହୋଇଥିଲା। ଫ୍ରାନ୍ସ ଦ୍ବିତୀୟ ଥର ପାଇଁ ଏହି ପ୍ରସ୍ତାବ ଆଗତ କରିବାକୁ ଯାଉଛି। ଫ୍ରାନ୍ସ ରାଷ୍ଟ୍ରପତିଙ୍କ କୂଟନୈତିକ ପରାମର୍ଶଦାତା ଫିଲିପ୍ ଏଟିନି ଓ ଭାରତର ରାଷ୍ଟ୍ରୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲଙ୍କ ମଧ୍ୟରେ ଏ ସମ୍ପର୍କରେ ମଙ୍ଗଳବାର ସକାଳେ ଆଲୋଚନା ହୋଇଥିବା ଫ୍ରାନ୍ସ ବୈଦେଶିକ ମନ୍ତ୍ରଣାଳୟ ସୂତ୍ରରୁ ଜଣାପଡ଼ିଛି।
