ସିମୁଳିଆ : ଗହଣା ବ୍ୟବସାୟୀଙ୍କଠାରୁ ଲୁଟ୍। ବାଲିଖଣ୍ଡର ଜୈନିକ ଗହଣା ବ୍ୟବସାୟୀ ଦୋକାନ ବନ୍ଦ କରି ଘରକୁ ଫେରିବା ବାଟରେ ଦୁର୍ବୃତ୍ତ ମାନେ ସୁନା ଗହଣା ଲୁଟି ନେଇଥିବା ଅଭିଯୋଗ ହୋଇଛି। ସୂଚନା ଅନୁସାରେ ବାଲେଶ୍ବର ଜିଲ୍ଲା ସିମୁଳିଆ ଥାନା ଅନ୍ତର୍ଗତ ପାର୍ବତୀପୁର ଗାଁର ଅକ୍ଷୟ ବାରିକ ବୁଧୁବାର ରାତିରେ ବାଲିଖଣ୍ଡ ବଜାରରୁ ଗହଣା ଦୋକାନ ବନ୍ଦ କରି ସାଥିରେ ସୁନା ଗହଣା ଧରି ବାଇକ ଯୋଗେ ଘରକୁ ଫେରୁଥିଲେ। ଫେରିବା ବାଟରେ ତେଲିପଡ଼ିଆ ଛକ ନିକଟରେ ଦୁଇଟି ବାଇକ ତାଙ୍କୁ ପିଛା କରି ଆସି ଏକ ଲୁହା ରଡ଼ରେ ମୁଣ୍ଡକୁ ପ୍ରହାର କରିଥିଲେ । ତାଙ୍କ ନିକଟରେ ଥିବା ୧୦୦ଗ୍ରାମର ସୁନା ଅଳଙ୍କାର,ଏକ କିଲୋ ରୁପାର ଅଳଙ୍କାର ଓ ନଗଦ ୪୦ହଜାର ଟଙ୍କା ଲୁଟି ନେଇ ପଳାଇ ଯାଇଥିଲେ। ଏ ନେଇ ଅକ୍ଷୟ ସିମୁଳିଆ ଥାନାରେ ଅଭିଯୋଗ କରିଥିଲେ। ଅଭିଯୋଗ ପାଇ ପୁଲିସ୍ ଘଟଣାର ତଦନ୍ତ କରୁଥିବା ଜଣାଯାଇଛି ।
Comments are closed.