ସମାଜ ଡିଜିଟାଲ ଡେସ୍କ: ମହାକାଶ ଶିଳ୍ପରେ ପାଦ ଦେଇ ସଫଳତାର ସ୍ବାଦ ଚାଖିଛନ୍ତି ବିଶିଷ୍ଟ ଶିଳ୍ପପତି ଜେଫ ବେଜୋସ। ତାଙ୍କ କମ୍ପାନୀ ବ୍ଲୁ ଅରିଜିନ ଗୁରୁବାର ମହାକାଶକୁ ପ୍ରଥମ କରି ସଫଳତାର ସହିତ ଏକ ରକେଟ୍ ଉତ୍କ୍ଷେପଣ କରିଛି। ଫ୍ଲୋରିଡାସ୍ଥିତ କେପ୍ କାନାଭେରାଲରୁ ଏହାକୁ ଉତ୍କ୍ଷେପଣ କରାଯାଇଛି। ଏହି ରକେଟର ନାମ ରହିଛି ଗ୍ଲେନ ରକେଟ। ମହାକାଶଚାରୀ ଜନ୍ ଗ୍ଲେନଙ୍କ ନାମ ଅନୁସାରେ ବ୍ଲୁ ଅରିଜିନ ଏହାର ପ୍ରଥମ ରକେଟର ନାମ ଗ୍ଲେନ ରଖିଛି। ଏହା ୩୨୦ ଫୁଟ ବା ୯୮ ମିଟର ଲମ୍ବ ବିଶିଷ୍ଟ ଏକ ବିରାଟ ରକେଟ। ଏଲନ ମସ୍କଙ୍କ ସ୍ପେଶ ଏକ୍ସ ପ୍ରତିଯୋଗିତାମୂଳକ ମହାକାଶ ଶିଳ୍ପ କ୍ଷେତ୍ରରେ ଆଗରେ ରହିଥିବାବେଳେ ବେଜୋସଙ୍କ ପ୍ରବେଶ ମହାକାଶ ଶିଳ୍ପକୁ ନୂଆ ଦିଗ ପ୍ରଦାନ କରିବ ବୋଲି କୁହାଯାଉଛି।
ପୃଥିବୀ କକ୍ଷପଥ ପରିଭ୍ରମଣ କରିବାରେ ଜନ ଗ୍ଲେନ ହେଉଛନ୍ତି ପ୍ରଥମ ଆମେରିକୀୟ। ବ୍ଲୁ ଅରିଜିନ ପକ୍ଷରୁ ଗ୍ଲେନ ରକେଟ ସହିତ ସାଟେଲାଇଟର ଏକ ପ୍ରୋଟୋଟାଇପକୁ ମହାକାଶକୁ ପଠାଯାଇଥିଲା। ପୃଥିବୀ କକ୍ଷପଥରେ ୬ ଘଣ୍ଟା ଧରି ରକେଟଟି ପରିଭ୍ରମଣ କରିଥିଲା। ଚଳିତବର୍ଷ ବ୍ଲୁ ଅରିଜିନ କମ୍ପାନୀ ୬ରୁ ୮ଟି ରକେଟ ନିର୍ମାଣ କରିବାକୁ ଯୋଜନା କରିଛି।
Comments are closed.