ଭବାନୀପାଟଣା: ଗୋଲାମୁଣ୍ଡା ଥାନା ଅନ୍ତର୍ଗତ ଶ୍ରୀରାମପଡ଼ା ନିକଟରେ ଏକ ବାଇକକୁ ପିକଅପ ଗାଡ଼ି ଧକ୍କା ଦେବାରୁ ଘଟଣାସ୍ଥଳରେ ଦୁଇ ବାଇକ୍ ଆରୋହୀଙ୍କ ମୃତ୍ୟୁ ଘଟିଛି। ଜଣେ ଗୁରୁତର ଆହତ ହେଇ ଧର୍ମଗଡ ଡାକ୍ତରଖାନାରେ ଭର୍ତ୍ତି ହେଇଥିବା ଜଣାପଡିଛି। ମୃତକ ସ୍ଥାନୀୟ ଗଣ୍ଡାମେର ଗାଁର ଗୋପାଳ ନାଏକ ଏବଂ ନୂଆପଡ଼ା ଜିଲ୍ଲା ଅନକାପୁର ଗାଁର କିଶୋର ନାଏକ ବୋଲି ଜଣାପଡିଛି। ସ୍ଥାନୀୟ ଲୋକଙ୍କ ସହାୟତାରେ ଗୁରୁତର ଆହତ ସୁକନିମୁଣ୍ଡା ଗାଁର ପ୍ରତ୍ୟୁଶ ଟୋଲଟିଆଙ୍କୁ ଧର୍ମଗଡ ଉପଖଣ୍ଡ ଡ଼ାକ୍ତରଖାନାରେ ଭର୍ତ୍ତି କରାଯାଇଛି। ତିନିଜଣ ଏକ ବାଇକରେ ଗୋଲାମୁଣ୍ଡା ପଟୁ ବୃନ୍ଦାବହାଲ ଆସୁଥିବାବେଳେ ଶ୍ରୀରାମପଡ଼ା ନିକଟରେ ପିକଅପ ଗାଡ଼ି ବାଇକକୁ ଧକ୍କା ଦେଇଥିବା କୁହାଯାଉଛି। ସ୍ଥାନୀୟ ଲୋକେ ପିକଅପ ଚାଳକକୁ ପୁଲିସ ଜିମା ଦେଇଥିବା ଜଣାପଡିଛି। ଘଟଣାସ୍ଥଳରେ ଚାପା ଉତ୍ତେଜନା ଲାଗି ରହିଥିଲା। ପୁଲିସ ଘଟଣାର ତଦନ୍ତ ଜାରି ରଖିଛି।
ବଜାରକୁ ଆସିଗଲା କୁହୁଡି ପାଇଁ ଏଲଇଡି ; କାର୍, ବାଇକ୍ରେ ଲାଗି ପାରିବ ଏହି ଲାଇଟ୍,ଦାମ୍ ମାତ୍ର ଏତିକି..
- Advertisement -
