ଆଠଗଡ : ଆଠଗଡ ମୁସଲିମ ବସ୍ତି ଓ କନ୍ତୋଲ ମୁସଲିମ ବସ୍ତିରେ ମହାପୁରୁଷ ମହମ୍ମଦଙ୍କ ଜନ୍ମ ଦିବସ ଏକ ସୌହାର୍ଦ୍ଦ୍ୟପୂର୍ଣ୍ଣ ବାତାବରଣରେ ପାଳିତ ହୋଇଯାଇଛି । ଆଠଗଡ, କନ୍ତୋଲ ଓ ଅନ୍ୟ ଆଖପାଖ ମୁସଲିମ ବସ୍ତିର ମୁସଲମାନ ଭାଇମାନଙ୍କ ସହ କେତେକ ହିନ୍ଦୁ ଭାଇମେନେ ଏକତ୍ର ହୋଇ ଆଠଗଡ ମସଜିଦରୁ ଶୋଭାଯାତ୍ରାରେ ବାହାରି ଶାନ୍ତିଶୃଙ୍ଖଳାର ସହ ଆଠଗଡ ସହର ଓ କନ୍ତୋଲ ଅଞ୍ଚଳ ପରିକ୍ରମା କରିଥିଲେ। ଏହି ଅବସରରେ ଆୟୋଜିତ ଏକ ଆଲୋଚନାଚକ୍ରରେ ମହାପୁରୁଷ ମହମ୍ମଦ ଶାନ୍ତିର ପ୍ରତୀକ ଥିଲେ ଏବଂ ସମସ୍ତଙ୍କ ସାଥିରେ ଭାଇଚାରାରେ ଚଳୁଥିଲେ । ଇସଲାମ୍ ଧର୍ମ ମଧ୍ୟ ମାନବିକତା ଆଧାରରେ ସମ୍ପର୍କ ଯୋଡି ଉତ୍ତମ ବ୍ୟବହାର କରିବା, କାହାର ଅନିଷ୍ଟ ନକରିବା ଲାଗି ଶିକ୍ଷା ଦେଇଥାଏ ବୋଲି ଏହି ଆଲୋଚନାଚକ୍ରରେ ମତପ୍ରକାଶ ପାଇଥିଲା। ସମସ୍ତେ ଏକତ୍ରିତ ହୋଇ ନମାଜ ପାଠ କରିବା ସହିତ ଖାଦ୍ୟପେୟର ବ୍ୟବସ୍ଥା କରାଯାଇଥିଲା।
Comments are closed.