ସିରିଜ ଡକାୟତି ଘଟଣାରେ ଜଣେ ଗିରଫ – ବାଇକ୍, ଟଙ୍କା,ପର୍ସ, ଛୁରୀ, ମୋବାଇଲ ଜବତ

ମ.ରାମପୁର-କେତେବେଳେ ବାଇକ୍ ରେ ଟଙ୍କା ନେଇ ଯାଉଥିବା ଲୋକଙ୍କୁ ତ କେତେବେଳେ ରାଜପଥରେ ଟ୍ରକ କୁ ଅଟକାଇ ବନ୍ଧୁକ ମୁନରେ ଟଙ୍କା ଲୁଟ୍ , ଦେଶୀ ମଦ ଭାଟିରେ ସିରିଜ ଟଙ୍କା ଲୁଟ୍ ଅଭିଯୋଗ ରେ ଏକ ଡକାୟତି ଗ୍ୟାଙ୍ଗର ଜଣକୁ ମ.ରାମପୁର ଥାନା ପୁଲିସ ଗିରଫ କରିଛି । ଗତ କିଛି ଦିନ ତଳେ ମ.ରାମପୁର ନିକଟସ୍ଥ ରାମୁଡ ଜଙ୍ଗଲ ରାସ୍ତାରେ ବାଇକ୍ରେ ଟଙ୍କା ନେଇ ଯାଉଥିବା ଗ୍ରାହକ ସେବାକେନ୍ଦ୍ରର ମାଲିକ ଙ୍କ ଠାରୁ ଦିନ ଦ୍ୱିପହରରେ ୬ଲକ୍ଷ୩୦ହଜାର ଟଙ୍କା ଲୁଟ୍ ହୋଇଥିଲା ।

ଗୋଟିଏ ଦିନରେ ବିଳମ୍ବିତ ରାତିରେ ମୋହନଗିରି ଦେଶୀ ମଦ ଭାଟି ଓ ନର୍ଲା ର ଏକ ମଦ ଭାଟିରେରୁ ଟଙ୍କା ଲୁଟ୍, ସେହିଦିନ ରାତିରେ ମ.ରାମପୁର ନିକଟସ୍ଥ ରାମୁଡ ଜଙ୍ଗଲ ରେ ଏକ କୋଇଲା ବୋଝେଇ ଟ୍ରକ ଚାଳକକୁ ବନ୍ଧୁକ ଓ ଛୁରୀ ଦେଖାଇ ୩୦ହଜାର ଟଙ୍କା ଲୁଟ୍ ଓ ସେହି ରାସ୍ତା ଦେଇ ରାଇଘରରୁ ପୁରୀ କୁ ରଥଯାତ୍ରା ଦେଖିବାକୁ ଯାଉଥିବା ଏକ କାର ଅଟକାଇ ଟଙ୍କା ଲୁଟ୍ ଘଟଣାରେ ଏକ ଡକାୟତି ଗ୍ୟାଙ୍ଗର ଜଣକୁ କନ୍ଧମାଳ ଜିଲ୍ଲା ବାଲିଗୁଡା ଥାନା ଅନ୍ତର୍ଗତ ଆନାଗୁଳ ଗାଁରୁ ପୁଲିସ ଗିରଫ କରିଛି । ସୁନୀଲ ନାମକ ଏହି ଅଭିଯୁକ୍ତ ପାଖରୁ ଏକ ହୋଣ୍ଡା ସାଇନ ବାଇକ୍ ,ନଗଦ ୨୪ହଜାର୭ଶହ୧୦ଟଙ୍କା, ପର୍ସ,୨ଗୋଟି ଛୁରୀ ,ମୋବାଇଲ ପୁଲିସ ଜବତ କରିଛି । ଅଭିଯୁକ୍ତର ଘର ବଲାଙ୍ଗୀର ଜିଲ୍ଲାର ସଇଁତଳା ଥାନା ଅନ୍ତର୍ଗତ ର ବିରାଟକାନୀ ଗାଁ ବୋଲି ଏକ ସାମ୍ୱାଦିକ ସମ୍ମିଳନୀରେ କେସିଙ୍ଗା ଏସଡିପିଓ ଅଭିନବ ଶଙ୍କର ସୂଚନା ଦେଇଛନ୍ତି । ତା ସହିତ ଅଞ୍ଚଳରେ ହେଉଥିବା ଡକାୟତି କୁ ଦୃଷ୍ଟିରେ ରଖି ପୋଲିସ ପାଟ୍ରୋଲିଂ କୁ କଡାକଡି କରାଯିବ ବୋଲି ସେ କହିଛନ୍ତି । ତେବେ ଏହି ସବୁ ଘଟଣାରେ ସଂପୃକ୍ତ ଥିବା ଅନ୍ୟମାନଙ୍କୁ ଖୁବ୍ ଶୀଘ୍ର ଗିରଫ କରାଯିବ ବୋଲି ସାମ୍ବାଦିକ ସମ୍ମିଳନୀରେ ସୂଚନା ଦେଇଛି ପୁଲିସ। ଏହି ସାମ୍ବାଦିକ ସମ୍ମିଳନୀରେ ମ.ରାମପୁର ଥାନା ଅଧୀକାରୀ ସଚିନ୍ଦ୍ର ପଧାନ,ଏସଆଇ ଜୟଦେବ ତାରିଣୀ,ଏସଆଇ ସିରାଜ ପାଢୀ,ସୁନୀତା ସେଠୀ ଉପସ୍ଥିତ ଥିଲେ ।

Comments are closed.