ନୂଆଦିଲ୍ଲୀ : ଏଲ୍ପିଜି ଉପଭୋକ୍ତାଙ୍କ ଲାଗି ଖରାପ ଖବର। କାରଣ ଘରୋଇ ବଜାରରେ ଏବେ ଏଲ୍ପିଜି ସିଲିଣ୍ଡର ଦର ୧୦୦୦ ଟଙ୍କା ଟପିଛି। ଦେଶର ଅଧିକାଂଶ ସହରରେ ଅଣ-ରିଆତି ଏଲ୍ପିଜି ସିଲିଣ୍ଡର (୧୪.୨ କେଜି) ମୂଲ୍ୟ ୧୦୦୦ ଟଙ୍କା ଉପରେ ପହଞ୍ଚିଛି। ବିହାର ରାଜଧାନୀ ପାଟନାରେ ଏଲ୍ପିଜି ସିଲିଣ୍ଡର ଦର ୧୦୩୯ ଟଙ୍କା, ଚେନ୍ନଇରେ ୯୬୯ ଟଙ୍କା, କଲକାତାରେ ୯୭୧ ଟଙ୍କା, ଦିଲ୍ଲୀରେ ୯୪୨ ଟଙ୍କା, ରାୟପୁରରେ ୧୦୧୭ ଟଙ୍କା, ଆଇଜଲରେ ୧୦୮୧ ଟଙ୍କା ଏବଂ ଜମ୍ମୁରେ ୧୦୦୩ ଟଙ୍କା ଛୁଇଁଛି। ତେବେ ଦାର୍ଜିଲିଂରେ ଏହା ସିଲିଣ୍ଡର ପିଛା ସର୍ବାଧିକ ୧୧୧୧ ଟଙ୍କା ହୋଇଛି। ରାଜଧାନୀ ଭୁବନେଶ୍ୱରରେ ଅଣ-ରିଆତି ଏଲ୍ପିଜି ସିଲିଣ୍ଡର (୧୪.୨ କେଜି) ମୂଲ୍ୟ ୯୭୨ ଟଙ୍କାରେ ପହଞ୍ଚିଛି। ତେବେ ରିଆତି ମୂଲ୍ୟରେ ଦିଆଯାଉଥିବା ଏଲ୍ପିଜି ସିଲିଣ୍ଡର ମୂଲ୍ୟ ୫୧୮ ଟଙ୍କା ୩୪ ପଇସା ରହିଛି। ରିଆତି ବାବଦ ଉପଭୋକ୍ତାଙ୍କ ବ୍ୟାଙ୍କ ଖାତାକୁ ୪୫୩ ଟଙ୍କା ୬୬ ପଇସା ଯାଉଛି। ପେଟ୍ରୋଲ ଏବଂ ଡିଜେଲ ଦର ଯେଉଁଭଳି ଦୈନିକ ପରିବର୍ତ୍ତନ ହେଉଛି ସେହିଭଳି ପ୍ରତି ମାସରେ ଏଲ୍ପିଜି ସିଲିଣ୍ଡର ଦର ପରିବର୍ତ୍ତିତ ହେଉଛି।
Popular Categories
Previous article
Next article