ଟିକାବାଲି : ଟିକାବାଲି ଥାନା ଅନ୍ତର୍ଗତ ଛାତିଝର ଛକରେ ଦୋକାନ କ୍ୟାବିନରେ ବିଦ୍ୟୁତ ସଂଯୋଗ କରିବା ପାଇଁ ୫୦୦୦ ଟଙ୍କା ଲାଞ୍ଚ ମାଗୁଥିଲା ବେଳେ ଭିଜିଲାନ୍ସ ହାତରେ ଧରାପଡ଼ିଲେ ଲାଇନମ୍ୟାନ।
ସୂଚନା ଅନୁସାରେ, ଛାତିଝର ଗ୍ରାମ ବାସିନ୍ଦା ରିଙ୍କୁ ଭୁକ୍ତା ଛାତିଝର ଛକରେ ନିଜ ଦୋକାନରେ ବିଦ୍ୟୁତ ସଂଯୋଗ କରିବା ପାଇଁ ବହୁ ଦିନରୁ ଲାଇନମ୍ୟାନ କାଳୁ ଚରଣ ପଲାଇଙ୍କୁ କହି ଆସୁଥିଲେ। କାଳୁ ଚରଣ ବିଦ୍ୟୁତ ସଂଯୋଗ କରାଇଦେବା ପାଇଁ ୫୦୦୦ ଟଙ୍କା ଲାଞ୍ଚ ମାଗୁଥିଲେ। କୌଣସି ସୂତ୍ରରୁ ଖବର ପାଇ ଫୁଲବାଣୀ ଭିଜିଲାନ୍ସ ଅଧିକାରୀମାନେ ୨ ଦିନ ହେବ ଜଗି ବସିଥିଲେ। ଆଜି ଦିନ ୧.୩୦ ବେଳକୁ ରିଙ୍କୁ ଭୁକ୍ତା ଲାଇନମ୍ୟାନ ପଲାଇଙ୍କୁ ପାଞ୍ଚ ହଜାର ଟଙ୍କା ହାତରେ ଦେଉଥିବା ବେଳେ ଭିଜିଲାନ୍ସ ଅଧିକାରୀମାନେ ସଙ୍ଗେସଙ୍ଗେ ମାଡି ବସିଥିବା ଦୋକାନୀ ରିଙ୍କୁ ଭୁକ୍ତା କହିଛନ୍ତି। ଲାଇନମ୍ୟାନ ପଲାଇଙ୍କୁ ଭିଜିଲାନ୍ସ ସଙ୍ଗେ ସଙ୍ଗେ ଫୁଲବାଣୀ ଭିଜିଲାନ୍ସ ଅଫିସ ନେଇ ତଦନ୍ତ ଚଳାଇଥିବା ଜଣାପଡିଛି। ଭିଜିଲାନ୍ସ ଏନେଇ ମାମଲା ରୁଜୁ କରିଛି। ତଦନ୍ତ ପରେ ଏହି ଲାଞ୍ଚ କାରବାର ପଛରେ ଆଉ କେତେଜଣଙ୍କର ହାତ ଅଛି ତାହା ଜଣାପଡିବ।
