ନୂଆଦିଲ୍ଲୀ – ଭାରତର କିଛି ରାଜ୍ୟରେ ଏବେ ୧୦ ଟଙ୍କାରେ ୧୨ ଓ୍ୱାଟ ଏଲ୍ଇଡି ବଲ୍ବ ଦିଆଯାଉଛି । ବିହାର , ଉତ୍ତରପ୍ରଦେଶ, ଆନ୍ଧ୍ରପ୍ରଦେଶ , କର୍ଣ୍ଣାଟକ ଏବଂ ତେଲେଙ୍ଗାନାରେ ଏବ୍ ଗ୍ରାମ ଉଜ୍ଜଳା ଯୋଜନାରେ ୧ ଓ୍ୱାଟ ଏଲ୍ଇଡି ବଲ୍ବକୁ ଲୋକମାନଙ୍କୁ ୧୦ ଟଙ୍କାରେ ଦିଆଯାଉଛି ।
ଏହି ରାଜ୍ୟର ଲୋକମାନେ ମାର୍ଚ୍ଚ ୩୧ ତାରିଖ ପର୍ଯ୍ୟନ୍ତ ଏହି ଯୋଜନାର ଲାଭ ଉଠାଇ ପାରିବେ । ସିଇଏସ୍ଏଲ୍ ବିହାର , ଉତ୍ତରପ୍ରଦେଶ, ଆନ୍ଧ୍ରପ୍ରଦେଶ , କର୍ଣ୍ଣାଟକ ଏବଂ ତେଲେଙ୍ଗାନା ରାଜ୍ୟମାନଙ୍କରେ ଏହି ବଲ୍ବ ବିତରଣ କାର୍ଯ୍ୟ କରୁଛି । ଦେଶର ବିଜୁଳି ଶକ୍ତି ସଂରକ୍ଷଣ ସହ ଅଙ୍ଗାରକାମ୍ଳ ନିଗର୍ମନକୁ ହ୍ରାସ କରିବା ପାଇଁ ସରକାରଙ୍କ ପକ୍ଷରୁ ଏହି ପଦକ୍ଷେପ ଗ୍ରହଣ କରାଯାଇଛି । ଏଥିଯୋଗୁଁ ବାର୍ଷିକ ୭୧ କୋଟି ୟୁନିଟ୍ ବିଜୁଳି ଶକ୍ତି ସଂରକ୍ଷଣ କରାଯାଇ ପାରିବ । ବାର୍ଷିକ ଏହି ସମସ୍ତ ରାଜ୍ୟରେ ୨୫୦ କୋଟି ଟଙ୍କା ବିଜୁଳି ଅପଚୟରୁ ରକ୍ଷା ପାଇବେ ।
୨୦୨୧ ମାର୍ଚ୍ଚ ମାସରେ ବିହାର , ଉତ୍ତରପ୍ରଦେଶ, ଆନ୍ଧ୍ରପ୍ରଦେଶ , କର୍ଣ୍ଣାଟକ ଏବଂ ତେଲେଙ୍ଗାନା ରାଜ୍ୟମାନଙ୍କରେ ଏଲ୍ଇଡି ବିତରଣ କାର୍ଯ୍ୟ ଆରମ୍ଭ ହୋଇଥିଲା । ପୁରୁଣା ଟଙ୍ଗଷ୍ଟେନ୍ ବଲ୍ବକୁ ହଟାଇ ଏଲ୍ଇଡି ବଲ୍ବ ଲଗାଇବାର କାର୍ଯ୍ୟ ଆରମ୍ଭ କରାଯାଇଛି । ବିଜୁଳି ଶକ୍ତି ବଞ୍ଚିଲେ ତାପଜ ବିଦ୍ୟୁତ୍ ଉତ୍ପାଦନ ପାଇଁ ବ୍ୟବହାର ହେଉଥିବା କୋଇଲାର ପରିମାଣ ହ୍ରାସ ପାଇବ । ପରିବେଶ ସୁରକ୍ଷା ରେ ଏହା ଏକ ବଡ ପଦକ୍ଷେପ ।
