ପାଟଣା: ପାଟଣା ବ୍ଲକ ଅନ୍ତର୍ଗତ ଖିରେଇଟାଙ୍ଗିରି ଗ୍ରାମ ପଞ୍ଚାୟତକୁ କେନ୍ଦୁଝର ସାଂସଦ ଅନନ୍ତ ନାୟକ ଆଦର୍ଶ ଗ୍ରାମ ପଞ୍ଚାୟତ ଘୋଷଣା କରିଛନ୍ତି। ଖିରେଇଟାଙ୍ଗିରି ପଞ୍ଚାୟତ ୬ଟି ଗ୍ରାମ ଓ ୧୨ଟି ୱାର୍ଡ ଅଞ୍ଚଳକୁ ନେଇ ଗଠିତ। ଏହି ଗ୍ରାମ ମଧ୍ୟ ଦେଇ ମୁମ୍ବାଇ-କଲକାତା ୪୯ ନଂ ଜାତୀୟ ରାଜପଥ ଯାଇଛି। ଖିରେଇଟାଙ୍ଗିରିରେ ଅନୁଷ୍ଠିତ ସାଧାରଣ ସଭାରେ ମୁଖ୍ୟଅତିଥି ଭାବେ ଯୋଗଦେଇ ସାଂସଦ ଶ୍ରୀ ନାଏକ ପଞ୍ଚୟତକୁ ଆଦର୍ଶ ଗ୍ରାମ ଘୋଷଣା କରିଛନ୍ତି। କାର୍ଯ୍ୟକ୍ରମରେ ସମ୍ମାନିତ ଅତିଥି ଭାବେ ପାଟଣା ବିଧାୟକ ଅଖିଳ ଚନ୍ଦ୍ର ନାଏକ, ବିଜେପି ପୂର୍ବତନ ଜିଲ୍ଲା ସଭାପତି ତଥା ରାଜ୍ୟ କୃଷକ ମୋର୍ଚ୍ଚା ଉପସଭାପତି ରାଧାକାନ୍ତ ମହାନ୍ତ ପ୍ରମୁଖ କାର୍ଯ୍ୟକ୍ରମରେ ସାମିଲ ଥିଲେ । ପଞ୍ଚାୟତକୁ ଆଦର୍ଶ ପଞ୍ଚାୟତ ଘୋଷଣା କରିଥିବାରୁ ପୂର୍ବତନ ସରପଞ୍ଚ ତଥା ବିଜେପି ଜିଲ୍ଲା କାର୍ଯ୍ୟକାରିଣୀ ସଦସ୍ୟ ବନଜ କୁମାର ନାଏକ ସାଂସଦଙ୍କୁ କୃତଜ୍ଞତା ଜଣାଇଛନ୍ତି।
Comments are closed.