କାମାକ୍ଷାନଗର: କାମାକ୍ଷାନଗର ଉପଖଣ୍ଡର ପରଜଙ୍ଗ ଥାନା ଅନ୍ତର୍ଗତ ବସୋଈ ଗ୍ରାମ ସନ୍ନିକଟ ଗ୍ରାମ୍ୟ ଜଙ୍ଗଲରୁ ସୋମବାର ପୁଲିସ ଜଣେ ନିଖୋଜ ବୃଦ୍ଧଙ୍କର ଗଳିତ ମୃତଦେହ ଉଦ୍ଧାର କରିଛି। ବୃଦ୍ଧ ଜଣକ ହେଲେ ସେହି ଥାନା ଅନ୍ତର୍ଗତ ମେଣ୍ଢାପଦା ଗ୍ରାମର କାଳନ୍ଦୀ ବିଶ୍ୱାଳ। କାଳନ୍ଦୀ ଗତ ପାଞ୍ଚ ଦିନ ତଳେ ପାରିବାରିକ କଳହ ଯୋଗୁଁ ଘର ଛାଡି ପଳାଇଥିଲେ। ପରିବାର ପକ୍ଷରୁ ବହୁ ଖୋଜାଖୋଜି କରିଥିଲେ ହେଁ କାଳନ୍ଦୀଙ୍କର କୌଣସି ଖବର ମିଳିପାରି ନଥିଲା। ସୋମବାର ବସୋଈ ଗ୍ରାମ ଲୋକେ ଜଙ୍ଗଲକୁ ଯାଇଥିବା ବେଳେ ଏକ ଗଳିତ ମୃତଦେହ ପଡିଥିବାର ଦେଖି ପୁଲିସକୁ ଖବର ଦେଇଥିଲେ। ଖବରପାଇ ପୁଲିସ ଘଟଣା ସ୍ଥଳରେ ପହଞ୍ଚି ପରିସ୍ଥିତି ଅନୁଧ୍ୟାନ ପରେ କାଳନ୍ଦୀଙ୍କ ପରିବାର ଲୋକଙ୍କୁ ଡାକିଥିଲେ। ପରିବାର ଲୋକେ ଜଙ୍ଗଲରେ ପହଞ୍ଚି କାଳନ୍ଦୀଙ୍କ ମୃତଦେହ ଚିହ୍ନଟ କରିଥିଲେ। ପରେ ପୁଲିସ ମୃତଦେହ ଜବତ କରି ବ୍ୟବଛେଦ ପାଇଁ ପଠାଇଛି। କାଳନ୍ଦୀଙ୍କ ମୃତଦେହ ପାଖରେ ଏକ ବିଷ ବୋତଲ ପଡିଥିବା ଦେଖି ପ୍ରାଥମିକ ସ୍ତରରେ କାଳନ୍ଦୀ ବିଷ ପିଇ ଆତ୍ମହତ୍ୟା କରିଥିବା ସନ୍ଦେହ କରାଯାଉଛି। ତେବେ ବ୍ୟବଛେଦ ରିପୋର୍ଟ ଆସିଲେ ମୃତ୍ୟୁର ସତ୍ୟାସତ୍ୟ ଜଣାପଡିବ ବୋଲି ପୁଲିସ ସୂତ୍ରରୁ ପ୍ରକାଶ।
Popular Categories
Previous article
Next article