କଲ୍ୟାଣସିଂହପୁର: ରାୟଗଡା ଜିଲା କଲ୍ୟାଣସିଂହପୁର ବ୍ଲକ କରପା ପଞ୍ଚାୟତ ଶୁଳିପଦର ଗ୍ରାମର ଆମ ଅଙ୍ଗନବାଡ଼ି କେନ୍ଦ୍ର ଅବ୍ୟବସ୍ଥା ଘେରରେ ରହିଥିବା ଦେଖିବାକୁ ମିଳିଛି। ଅଭିଭାବକମାନେ ପିଲାଙ୍କୁ ପ୍ରାରମ୍ଭିକ ଶିକ୍ଷା ପାଇଁ ଆମ ଅଙ୍ଗନବାଡ଼ି କେନ୍ଦ୍ରକୁ ପଠାଇ ଥାଆନ୍ତି। ସରକାର କୋଟି କୋଟି ଟଙ୍କା ଖର୍ଚ୍ଚ କରି ଶିଶୁଙ୍କ ସୁରକ୍ଷା ଓ ଶିକ୍ଷାଦାନ ପାଇଁ ଅଙ୍ଗନବାଡ଼ି କେନ୍ଦ୍ର ନିର୍ମାଣ କରିଛନ୍ତି। କିନ୍ତୁ ଏଠାରେ ଦେଖିବାକୁ ମିଳିଛି ଏକ ବିଚିତ୍ର ଚିତ୍ର।
ଉକ୍ତ କେନ୍ଦ୍ରରେ ୩୮ ଜଣ ଶିଶୁ ଶିକ୍ଷା ଗ୍ରହଣ କରୁଥିବାବେଳେ ଅଙ୍ଗନବାଡ଼ି କେନ୍ଦ୍ର ଗୃହର ଅବସ୍ଥା ଶୋଚନୀୟ ହୋଇ ରହିଛି। ଶ୍ରେଣୀ ଗୃହର ଚଟାଣର ସିମେଣ୍ଟ ବାହାରିଯିବା ସହ ବାଲି ଧୂଳି ଉପରେ ବସି ପିଲା ପାଠ ପଢ଼ୁଥିବା ଦେଖିବାକୁ ମିଳିଛି। ଏହି ଧୂଳି ଗୁଣ୍ଡି ପାଇଁ ପିଲାଙ୍କ ନିଃଶ୍ୱାସ ପ୍ରଶ୍ୱାସରେ ବାଧା ସୃଷ୍ଟି ହେଉଛି। ଏ ବିଷୟରେ ଶୁଳିପଦର ଶିଶୁ ସୁରକ୍ଷା ସୁପରଭାଇଜର ରେଣୁ ପରିଡ଼ାଙ୍କୁ ଯୋଗାଯୋଗ କରି ପଚାରି ବୁଝିବାରୁ ଏ ବିଷୟରେ ଆମେ ଲିଖିତ ଭାବେ ଜଣାଇଛୁ, ଯଥା ଶୀଘ୍ର କାମ କରାଯିବ ବୋଲି ସୂଚନା ଦେଇଛନ୍ତି।
Comments are closed.