କଲ୍ୟାଣସିଂହପୁର : ସରକାର ମହିଳା ମାନେ ସ୍ୱାବଲମ୍ବୀ ହେବା ପାଇଁ ବିଭିନ୍ନ ଯୋଜନା କରିଛନ୍ତି। ରାୟଗଡା ଜିଲା କଲ୍ୟାଣସିଂହପୁର ବ୍ଲକ ସୁନାଖଣ୍ଡି ପଞ୍ଚାୟତର ଜଗନ୍ନାଥପୁରରେ ଥିବା ମାଆ ତାରିଣୀ ସ୍ୱୟଂ ସହାୟକ ଗୋଷ୍ଠୀ ମହିଳାମାନେ ମାଛ ଚାଷ କରି ହୋଇଛନ୍ତି ସ୍ୱାବଲମ୍ବୀ ଅନ୍ୟ ପାଇଁ ସାଜିଛନ୍ତି ଆଜି ଉଦାହରଣ। ଏହି ଗ୍ରୁପର ୧୧ଜଣ ମହିଳା ମାନେ ଏକତ୍ରିତ ହୋଇ ମାଛ ଚାଷ କରିବା ପାଇଁ ନିଷ୍ପତ୍ତି ନେଇଥିଲେ। ଅକ୍ଟୋବର ମାସରେ ଚାରି ହଜାର ମାଛ କିଣି ଆଣି ଗାଁ ପାଖରେ ଥିବା ବନବିଭାଗ ଦ୍ୱାରା ଖୋଳା ଯାଇଥିବା ପୋଖରୀରେ ଛାଡି ଥିଲେ। ପ୍ରାୟ ୬ ମାସ ପରେ ମାଛ ଧରି କିଲୋ ପିଛା ୧୮୦ ଟଙ୍କା ପ୍ରାୟ ଏକ କୁଇଣ୍ଟାଲ ବିକ୍ରି କରି କିଛି ଟଙ୍କା ରୋଜଗାର କରି ଅନ୍ୟଙ୍କ ପାଇଁ ସାଜିଛନ୍ତି ଉଦାହରଣ। ସଂଘର ସଭାପତି ତପସ୍ୱିନୀ ନେମାଲପୁରୀ, ସମ୍ପାଦିକା ସିତାଇ ହିକକା, ଲକ୍ଷ୍ମୀ ନେମାଲପୁରୀ,ସୁଲୋଚନା ନେମାଲପୁରୀ, ଅଙ୍କିତା ନାଗ, ମଞ୍ଜୁ କାଳିଆ, ରଜନୀ ମାଣ୍ଡିକା, ରବିବାରି ସାହୁ, କମଳି କାଡ୍ରକା, ଧୁଲଣି ପାତ୍ର, ରଜନୀ ନେମାଲପୁରୀ ପ୍ରମୁଖ ଉପସ୍ଥିତ ରହି ମାଛ ବିକ୍ରୀ କରି ମୂଳ ଟଙ୍କାକୁ ଜମା କରି ଲାଭାଂଶକୁ ଖର୍ଚ୍ଚ କରିଥିବା କହିଥିଲେ। ଏହି ଗୋଷ୍ଠୀକୁ ଚାରି ଆଡୁ ଶୁଭେଚ୍ଛା ମିଳୁଥିବା ଜଣାପଡ଼ିଛି।
Comments are closed.