କଲ୍ୟାଣସିଂହପୁର: ରାୟଗଡ଼ା ଜିଲା କଲ୍ୟାଣସିଂହପୁର ବ୍ଲକ ନାରାୟଣପୁର ପଞ୍ଚାୟତରେ ଅକ୍ଷୟ ତୃତୀୟା ଅବସରରେ ସରକାରୀ କୃଷି ଫାର୍ମ ଠାରେ ଜିଲା ସ୍ତରୀୟ କୃଷକ ଦିବସ ପାଳନ କରାଯାଇଛି। ମୁଖ୍ୟ ଜିଲା କୃଷି ଅଧିକାରୀ ବିଷ୍ଣୁ ପ୍ରସାଦ ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ମୁଖ୍ୟ ଅତିଥି ଭାବେ ଉପ ଜିଲାପାଳ ଭୀମସେନ ଶବର ଯୋଗଦେଇ କାର୍ଯ୍ୟକ୍ରମକୁ ଉଦଘାଟନ କରିଥିଲେ। ଡିଡିହେଚ ପତିତପାବନ ସାମନ୍ତରାୟ, ବିଡ଼ିଓ ସୁନୀଲ ଖରା, କୃଷି ବିଶେଷଜ୍ଞ ରାଜୀବ ଟୁଡୁ, ନାରାୟଣପୁର ସରପଞ୍ଚ ଶିତାରାମ କାଡ୍ରାକା, ଭୂମି ମାଧବ ରାଓ ସମ୍ମାନୀୟ ଅତିଥି ଭାବେ ମଞ୍ଚାସିନ ରହିଥିଲେ। ଆଜି ଅକ୍ଷୟ ତୃତୀୟା ଅବସରରେ ସରକାରୀ କୃଷି ଫାର୍ମ ପରିସରରେ ଭୂମି ପୂଜନ, ହଳ କରିବା ପରେ ବିହନ ବୁଣା ଯାଇଥିଲା। ଏହାପରେ କଲ୍ୟାଣି ମଣ୍ଡପରେ ବୈଠକ କରାଯାଇଛି। ଏଥିରେ ଦୁଇଜଣ ଚାଷୀ ରାମ ବାବୁ ଓ ମାଣ୍ଡିପଦରର କୃଷ୍ଣା ହିମିରିକାଙ୍କୁ ଶ୍ରେଷ୍ଠ ଚାଷୀ ଭାବରେ ସମ୍ମାନୀତ କରିଥିଲେ। ଏଥିରେ କେଉଁ ପ୍ରକାର ଚାଷ କଲେ ଚାଷୀ ଅଧିକ ଲାଭବାନ ହୋଇପାରିବ, ଉନ୍ନତ ମାନର ବିଷୟରେ ଆଲୋଚନା କରିଥିଲେ। ବ୍ଲକ କୃଷି ଅଧିକାରୀ ଜ୍ଞାନେନ୍ଦ୍ର ପାଣିଗ୍ରାହୀ ଧନ୍ୟବାଦ ଦେଇଥିଲେ।
Comments are closed.