କଲ୍ୟାଣସିଂହପୁର: ରାୟଗଡା ଜିଲା କଲ୍ୟାଣସିଂହପୁର ବ୍ଲକ ଧାମୁଣିପଙ୍ଗା ପଞ୍ଚାୟତର କାମଠଣା ଗାଁ ନିକଟରେ ଦୁଇ ବାଇକ ଧକ୍କାରେ ୨ ଗୁରୁତର ହୋଇଥିବା ଦେଖିବାକୁ ମିଳିଛି। କଲ୍ୟାଣସିଂହପୁର ସ୍ୱାସ୍ଥ୍ୟ କେନ୍ଦ୍ରରୁ ନିଜ ଘର ଧାମୁଣିପଙ୍ଗା ପଞ୍ଚାୟତର ତାଡିଝୋଲାକୁ ଯାଇ ଖାଇବା ଆଣିବା ପାଇଁ ଗୋଟିଏ ବାଇକରେ ମୁଗୁରି ୱାଡାକା ଯାଉଥିବା ବେଳେ ବିପରୀତ ଦିଗରୁ କଳାହାଣ୍ଡି ଜିଲା ମେର୍ଲପା ଗ୍ରାମର ଜଳ ନାୟକ କଲ୍ୟାଣସିଂହପୁର ଆସୁଥିବା ସମୟରେ କାମଠଣା ଓ ହାତିମୁଣ୍ଡା ମଝି ଆମ୍ବତୋଟା ଠାରେ ମୁହାଁମୁହିଁ ଧକ୍କା ହୋଇଥିଲା। ନିକଟରେ ଥିବା ଗ୍ରାମବାସୀ ଲୋକମାନେ ଉଭୟ ଗୁରୁତରଙ୍କୁ ଉଦ୍ଧାର କରି ପ୍ରଥମେ ରୋଗୀବୁହା ଗାଡିକୁ ଯୋଗାଯୋଗ କରିଥିଲେ ।ଗାଡି ଉପଲବ୍ଧ ନଥିବାରୁ ଅଗ୍ନିଶମ ବିଭାଗ ଗାଡିକୁ ଯୋଗାଯୋଗ କରିଥିଲେ ।ଘଟଣା ସ୍ଥଳରେ ଅଗ୍ନିଶମ ଗାଡି ପହଞ୍ଚି ଗୁରୁତରଙ୍କୁ ଉଦ୍ଧାର କରି ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରକୁ ଆଣିଥିଲେ । ଏଠାରେ ଡାକ୍ତର ସୌମ୍ୟରଞ୍ଜନ ଜେନା ଦେଖି ପ୍ରାଥମିକ ଚିକିତ୍ସା କରି ରାୟଗଡା ମୁଖ୍ୟ ଚିକିତ୍ସାଳୟକୁ ପଠାଇଦେଇଥିଲେ।
Comments are closed.