କଲମପୁର : କଳାହାଣ୍ଡି ଜିଲାର କଲମପୁର ଠାରୁ ଥୁଆମୁଳ ରାମପୁରକୁ ସଞ୍ଜୋଗ କରୁଥିବା ପୂର୍ତ୍ତ ବିଭାଗ ଅଧିନସ୍ଥ ରାସ୍ତାର ଉନ୍ନତି କରଣ ଓ ରାସ୍ତା ନିର୍ମାଣ କାମରେ ବିଳମ୍ବ ନେଇ ମଙ୍ଗଳବାର ଗ୍ରାମବାସୀ ଉକ୍ତ ରାସ୍ତାଉପରେ ଟାୟାର ଜାଳିବା ସହ ଗାଡ଼ି ରଖି ଅବରୋଧ କରିଛନ୍ତି ।
ସୂଚନା ଅନୁଯାୟୀ, ଥୁଆମୁଳ ରାମପୁରକୁ ସଞ୍ଜୋଗ କରୁଥିବା ପୂର୍ତ୍ତ ବିଭାଗ ଅଧିନସ୍ଥ ସାତ କିଲୋମିଟର ରାସ୍ତାର ଉନ୍ନତି କରଣ ପାଇଁ ପାଞ୍ଚ କୋଟି ଟଙ୍କା ବେୟରେ ଗତ ମାର୍ଚ୍ଚମାସ ଠାରୁ କାର୍ଯ୍ୟ ଚାଲିଥିଲା । ଠିକା ସଂସ୍ଥା ଓ ପୂର୍ତ୍ତ ବିଭାଗର ଦୂର ଦୃଷ୍ଟି ଅଭାବରୂ ସମଗ୍ର ରାସ୍ତାକୁ ଖୋଳି ଦିଆଯାଇଥିଲା । କିନ୍ତୁ ବର୍ଷା ପୂର୍ବରୁ ପିଚୁ କାର୍ଯ୍ୟ ହେଇ ପାରିଲାନଥିଲା । ବର୍ଷା ଛାଡିବାର ଦୀର୍ଘ ଦିନ ବିତିଯିବା ପରେ ମଧ୍ୟ ଠିକା ସଂସ୍ଥାକାର୍ଯ୍ୟ ଆରମ୍ଭ କରି ନାହିଁ । ଯାହା ଫଳରେ ରାସ୍ତାର ଧୁଳି ଦ୍ବାରା ଲୋକେ ପ୍ରଭାବିତ ହେଉଛନ୍ତି । ବାରମ୍ବାର ପ୍ରଶାସନର ଦୃଷ୍ଟି ଆକର୍ଷଣ ସତ୍ବେ କୌଣସି ସମାଧାନ ହୋଇ ନଥିବାରୁ ଅଞ୍ଚଳ ବାସୀଙ୍କ ଦ୍ବାରା କଲମପୁର ଆଦର୍ଶ ବିଦ୍ୟାଳୟ ଛକ ଠାରେ ରାସ୍ତା ଅବରୋଧ କରାଯାଇଛି ।
Comments are closed.