ଗୁରୁଡିଝାଟିଆ : କଖଡି ପାଲାତୋଟା ମଣ୍ଡପ ଠାରେ ତ୍ରୟୋଦଶୀ ଦୋଳ ମେଲଣ ଅନୁଷ୍ଠିତ ହୋଇଯାଇଛି । ପ୍ରଭୁ ଧବଳେଶ୍ୱର, କଖଡିର ଲକ୍ଷ୍ମୀନାରାୟଣ, ମହାଳପଡା, ବ୍ରହ୍ମପୁର, ଗଜାମ୍ବ, କାପ୍ତାବରାଇ, ବ୍ରାହ୍ମଣବସ୍ତ, ଘଣ୍ଟିଖାଲ, ନୂଆଶାସନ, ଗୋପାଳପ୍ରସାଦ, ନାରଙ୍ଗବସ୍ତ ଆଦି ବିଭିନ୍ନ ଗାଁ ମାନଙ୍କରୁ ଆସିଥିବା ବିମାନରୁଢ ଦିଅଁଙ୍କୁ ଗାଁ କମିଟି ପକ୍ଷରୁ ପୂଜାର୍ଚ୍ଚନା ସହିତ ଭୋଗ ଅର୍ପଣ କରାଯାଇଥିଲା । ଗାଁ ସଭାପତି ଦିଲ୍ଲିପ ଛତାରଙ୍କ ପ୍ରତ୍ୟେକ୍ଷ ତତ୍ୱାବଧାନରେ ଅନୁଷ୍ଠିତ ଦୋଳ ମେଲଣରେ ଶରତ ଚନ୍ଦ୍ର ମହାନ୍ତି, ସୁରେନ୍ଦ୍ର ମହାନ୍ତି, ଦେବୋତ୍ତର ସୁପରଭାଇଜର ସନାତନ ମହାନ୍ତି, ଚନ୍ଦ୍ରଶେଖର ପରିଡା, ବ୍ରଜରାଜ ଖଟୁଆ, ମାୟାଧର ଦଳାଇ, ରଞ୍ଜନ ମୁଦୁଲି, ରବିନ୍ଦ୍ରନାଥ ସାହୁ, ଶ୍ୱେତକାନ୍ତ ବେହେରା ପ୍ରମୁଖ ଉପସ୍ଥିତ ରହିଥିଲେ। ଏହି ଅବସରରେ ଧବଳେଶ୍ୱର ସଂକୀର୍ତ୍ତନ ମହାମଣ୍ଡଳ ପକ୍ଷରୁ ସଂକୀର୍ତ୍ତନ ପରିବେଷଣ କରାଯାଇଥିଲା। ଧବଳେଶ୍ୱର ସଂକୀର୍ତ୍ତନ ମହାମଣ୍ଡଳର କାର୍ଯ୍ୟକାରୀ ସଭାପତି ଶିକ୍ଷାବିତ୍ ରାଜକିଶୋର ଖଟୁଆ, ବିଷ୍ଣୁଚରଣ ମହାରଣା, ଅନାମ ଚରଣ ସାହୁ, କୃଷ୍ଣଚନ୍ଦ୍ର ସାହୁ ପ୍ରମୁଖଙ୍କ ନେତୃତ୍ୱରେ ସଂକୀର୍ତ୍ତନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିବା ବେଳେ ସମସ୍ତ ଦିଅଁଙ୍କୁ ପୂଜକ ଶକ୍ତିପ୍ରସାଦ ପତି ପୂଜା କରିଥିଲେ ।
Comments are closed.