କଲ୍ୟାଣପୁର ପଞ୍ଚାୟତର ସରପଞ୍ଚଙ୍କ ନିଲମ୍ବିତ ଘଟଣା ; ଥାନା ସମ୍ମୁଖରେ ବିଜେପି ମହିଳା ମୋର୍ଚ୍ଚାର ଧାରଣା

ଯାଜପୁର : ଯାଜପୁର ଜିଲା ବିଂଝାରପୁର ଥାନା ସମ୍ମୁଖରେ ପୁଲିସ ଜୁଲମ ପ୍ରତିବାଦରେ ଥାନା ସମ୍ମୁଖରେ ବିଜେପି ମହିଳା ମୋର୍ଚ୍ଚାର ଧାରଣା ଦେଇଛି । ପୁଲିସ ପ୍ରକୃତ ଅଭିଯୁକ୍ତଙ୍କୁ ଘଣ୍ଟ ଘୋଡାଉଥିବା ବେଳେ ନିରିହ ଜନତାଙ୍କୁ ଗିରଫ କରିବା ସହ ମିଛ ଦଫା ଲଗାଇ କୋର୍ଟ ଚାଲାଣ କରୁଛି ବୋଲି ବିଜେପି ମହିଳା ମୋର୍ଚ୍ଚା କହିଛି ।

ସୂଚନା ଅନୁଯାୟୀ, ସରକାରୀ ଦଳର ଚାଟୁକାର ସାଜି ଗତ ୨ତାରିଖରେ ବିଂଝାରପୁର ବ୍ଲକ କଲ୍ୟାଣପୁର ପଞ୍ଚାୟତର ନିଲମ୍ବିତ ସରପଞ୍ଚଙ୍କ ସ୍ୱାମୀଙ୍କୁ ପୁଲିସ ଆକ୍ରୋସମୁଳକ ଭାବେ ଗିରଫ କରିବା ସହ ତାଙ୍କ ବିରୁଦ୍ଧରେ ମିଛ ଦଫା ଲଗାଇ କୋର୍ଟ ଚାଲାଣ କରିଥିଲା। ଏହି ଘଟଣାକୁ ଆଜି ବିଜେପି ମହିଳା ମୋର୍ଚ୍ଚା ତିବ୍ରନିନ୍ଦା କରିଥିଲା। ପ୍ରକୃତ ଦୋଷୀଙ୍କ ବିରୁଦ୍ଧରେ ପୁଲିସ କାର୍ୟ୍ୟାନୁଷ୍ଠାନ କରିବାର ପ୍ରତିଶୃତି ଦେବା ସହ ସପ୍ତାହ ମଧ୍ୟରେ ଏହା କାର୍ଯ୍ୟକାରୀ ନ କଲେ ଆନ୍ଦୋଳନ ତିବ୍ରତର କରାଯିବ ବୋଲି ବିଜେପି ପକ୍ଷରୁ ଚେତାବନୀ ଦିଆଯାଇଛି ।