ଇରାକ: ଇରାକର ପୂର୍ବ ବାଗଦାଦରେ ବଡ଼ ଧରଣର ବିସ୍ଫୋରଣ ହୋଇଛି । ଏହି ବିସ୍ଫୋରଣରେ ୧୦ ଜଣଙ୍କର ମୃତ୍ୟୁ ହୋଇଥିବା ବେଳେ, ପ୍ରାୟ ୨୦ଜଣ ଆହତ ହୋଇଛନ୍ତି । ମିଳିଥିବା ସୂଚନା ଅନୁସାରେ, ଏକ ଫୁଟବଲ ଷ୍ଟାଡିୟମ ଏବଂ କାଫେ ନିକଟରେ ଏହି ବିସ୍ଫୋରଣ ଘଟିଛି । ହେଲେ କେଉଁ କାରଣରୁ ଏହି ବିସ୍ଫୋରଣ ହୋଇଛି ତାହା ଜଣା ପଡିନାହିଁ ।
ସୁରକ୍ଷା କର୍ମୀମାନଙ୍କ କହିବା ଅନୁସାରେ ବାଗଦାଦର ଏକ ଫୁଟବଲ ପଡ଼ିଆ ନିକଟରେ ଗ୍ୟାସ ଟ୍ୟାଙ୍କର ବିସ୍ଫୋରଣ ହୋଇଛି । ଏହି ବିସ୍ଫୋରଣରେ କୋଠା ଏବଂ ଫୁଟବଲ ପଡ଼ିଆ ମଧ୍ୟ କ୍ଷତିଗ୍ରସ୍ତ ହୋଇଛି । ଟ୍ୟାଙ୍କରରେ ବୈଷୟିକ ତ୍ରୁଟି କିମ୍ବା ଅନ୍ୟ କେଉଁ କାରଣରୁ ଏପରି ହୋଇଛି ତାହା ସ୍ପଷ୍ଟ ହୋଇନାହିଁ । ବର୍ତ୍ତମାନ ତାକୁ ନେଇ ତଦନ୍ତ କରାଯାଉଛି । ବିସ୍ଫୋରଣରେ ଆହତ ହୋଇଥିବା ପୀଡ଼ିତ ମାନଙ୍କ ମଧ୍ୟରୁ ଅଧିକାଂଶ ଫୁଟବଲ ଖେଳାଳି ଥିବା ଜଣାପଡ଼ିଛି । ସମସ୍ତଙ୍କୁ ଉଦ୍ଧାର କରାଯାଇ ଡାକ୍ତରଖାନାରେ ଭର୍ତ୍ତି କରାଯାଇଛି ।
Comments are closed.