ଇରାନ: ଆତଙ୍କବାଦୀଙ୍କ ଆକ୍ରମଣରେ ଇରାନରେ ଗଡ଼ିଲା ୧୫ ମୁଣ୍ଡ । ଇରାନର ସିରାଜ ସହରରେ ଆତଙ୍କବାଦୀ ମାନେ ଆକ୍ରମଣ କରିଛନ୍ତି । ଆତଙ୍କୀ ଆକ୍ରମଣରେ ୧୫ଜଣଙ୍କ ମୃତ୍ୟୁ ହୋଇଥିବା ବେଳେ, କିଛି ଲୋକ ଆହତ ମଧ୍ୟ ହୋଇଛନ୍ତି । ଆହତମାନଙ୍କୁ ଉଦ୍ଧାର କରାଯାଇ ଚିକିତ୍ସା ପାଇଁ ଡାକ୍ତରଖାନାରେ ଭର୍ତ୍ତି କରାଯାଇଛି । ସୂଚନା ଅନୁଯାୟୀ ସିରାଜର ଏକ ଧାର୍ମିକ ଅନୁଷ୍ଠାନ ଉପରେ ଆତଙ୍କବାଦୀ ମାନେ ଆଖିବୁଜା ଗୁଳିମାଡ଼ କରିଥିଲେ । ଫଳରେ ଘଟଣାସ୍ଥଳରେ ୧୫ଜଣଙ୍କ ମୃତ୍ୟୁ ହୋଇଥିଲା । ତାହା ସହ କିଛି ଲୋକ ଆହତ ହୋଇଥିଲେ ।
ଏହି ଆକ୍ରମଣ ଆଇଏସଆଇଏସ ଆତଙ୍କୀ ସଂଗଠନ କରିଥିବା ଅଭିଯୋଗ ହୋଇଛି । ଲୋକଙ୍କ ସୁରକ୍ଷାକୁ ଦୃଷ୍ଟିରେ ରଖି ଇରାନ ସରକାର ମଧ୍ୟ ପଦକ୍ଷେପ ନେଇଛନ୍ତି । ସରକାର ଗୁଳିମାଡ଼ ପରେ ସଜାଗ ହୋଇଥିବା ଦେଖିବାକୁ ମିଳିଛି । ଘଟଣାସ୍ଥଳରେ ସୁରକ୍ଷାକୁ କଡ଼ାକଡ଼ି କରାଯାଇଛି । ଗୁଳିକାଣ୍ଡ ସ୍ଥଳରେ ପୁଲିସ ମୁତୟନ ହେବା ସହ ସର୍ଚ୍ଚ ଅପରେସନ ଜାରି ରହିଛି ।
Comments are closed.