ନୂଆଦିଲ୍ଲୀ : ମଙ୍ଗଳବାର ୫୬ତମ ଆଇପିଏଲ ମ୍ୟାଚ୍ରେ ଦିଲ୍ଲୀ କ୍ୟାପିଟାଲ୍ସ ଓ ରାଜସ୍ଥାନ ରୟାଲ୍ସ ମୁହାଁମୁହିଁ ହେବେ। ୧୦ଟି ମ୍ୟାଚ୍ରୁ ୮ଟି ଜିତି ପଏଣ୍ଟ ଟେବୁଲର ୨ୟ ସ୍ଥାନରେ ଥିବା ରାଜସ୍ଥାନ ପ୍ରାୟତଃ ପ୍ଲେଅଫ୍ରେ ପହଞ୍ଚି ସାରିଛି। ତେବେ ଏଲିମିନେଟର ଖେଳିବା ଏଡ଼ାଇବା ପାଇଁ ରାଜସ୍ଥାନ ବାକି ୪ଟିରୁ ଅତିକମ୍ରେ ୨ଟି ମ୍ୟାଚ୍ ଜିତିବାର ପ୍ରୟାସ କରିବ। ଅନ୍ୟପକ୍ଷରେ ଟୁର୍ଣ୍ଣାମେଣ୍ଟର ସବୁଠାରୁ ପ୍ରଭାବଶାଳୀ ଦଳ ରାଜସ୍ଥାନକୁ ରୋକିବା ଲକ୍ଷ୍ୟରେ ଅଛି ଦିଲ୍ଲୀ। ୧୧ଟି ମ୍ୟାଚ୍ରୁ ମାତ୍ର ୫ଟି ଜିତିଥିବା ଦିଲ୍ଲୀ ପାଇଁ ଏହି ମ୍ୟାଚ୍ ଜିତିବା ଅତ୍ୟନ୍ତ ଜରୁରୀ ହୋଇପଡ଼ିଛି। ତେଣୁ ରାଜସ୍ଥାନ ଅପେକ୍ଷା ଦିଲ୍ଲୀ ଏହି ମ୍ୟାଚ୍ରେ ଚାପରେ ରହିବ। ମାର୍ଚ୍ଚ ୨୮ରେ ଉଭୟ ଦଳଙ୍କ ମଧ୍ୟରେ ଖେଳା ଯାଇଥିବା ମ୍ୟାଚ୍ରେ ୧୨ ରନ୍ରେ ରାଜସ୍ଥାନ ଜିତିଥିଲା। ରିୟାନ୍ ପରାଗ ଏହି ମ୍ୟାଚ୍ରେ ବିସ୍ଫୋରକ ଅପରାଜିତ ୮୪ ରନ୍ କରିଥିଲେ। ଉକ୍ତ ପରାଜୟର ପ୍ରତିଶୋଧ ନେଇ ପଏଣ୍ଟ ଟେବୁଲ୍ରେ ଉପରକୁ ଉଠିବା ଲକ୍ଷ୍ୟରେ ଦିଲ୍ଲୀ ଏହି ମାଚ୍ରେ ଖେଳିବ।
Comments are closed.