ମୁମ୍ବାଇ: ମଙ୍ଗଳବାର ଚିସିସିଆଇ ଆଇପିଏଲ୍ର ୪ଟି ପ୍ଲେଅଫ୍ ମ୍ୟାଚର ସ୍ଥାନ ଘୋଷଣା କରିଛି । ମୁଲାନ୍ପୁର ବା ନ୍ୟୁ ଚଣ୍ଡିଗଡ଼ ଓ ଅହମ୍ମଦାବାଦରେ ଏହି ୪ଟି ପ୍ଲେଅଫ୍ ମ୍ୟାଚ୍ ଖେଳାଯିବ। ଚଳିତମାସରେ ଭାରତ-ପାକ୍ ସାମରିକ ଉତ୍ତେଜନା ଯୋଗୁଁ ୮ ଦିନ ଲାଗି ଆଇପିଏଲ୍ ସ୍ଥଗିତ ହେବା ପରେ ଘୋଷିତ ଖେଳସୂଚୀରେ ୪ଟି ପ୍ଲେଅଫ୍ ମ୍ୟାନ୍ର ସ୍ଥାନ ଘୋଷଣା କରା ଯାଇନଥିଲା ।
ବିସିସିଆଇ ଘୋଷଣା କରିଛି ଯେ ଚଳିତମାସ ୨୯ରେ ମୁଲାନ୍ପୁରରେ କ୍ୱାଲିଫାୟର-୧ ମୁକାବିଲା ହେବ। ୩୦ରେ ମୁଲାନ୍ପୁରରେ ହିଁ ଏଲିମିନେଟର ମ୍ୟାଚ୍ ଖେଳାଯିବ। ଜୁନ୍ ୧ରେ ଅହମ୍ମଦାବାଦରେ କ୍ୱାଲିଫାୟର-୨ ଏବଂ ଜୁନ୍ ୩ରେ ଅହମ୍ମଦାବାଦରେ ଫାଇନାଲ ମ୍ୟାଚ୍ ଖେଳାଯିବ।
ପୂର୍ବରୁ ବିସିସିଆଇ ଘୋଷଣା କରିଥିଲା ଯେ କଲକାତାର ଇଡେନ୍ ଗାର୍ଡେନ୍ସରେ ଫାଇନାଲ ମ୍ୟାଚ୍ ଖେଳାଯିବ । ପୁଣି ପୂର୍ବ ଖେଳସୂଚୀରେ ହାଇଦରାବାଦରେ କ୍ୱାଲିଫାୟର-୧ ଓ ଏଲିମିନେଟର ଖେଳାଯିବ ବୋଲି ଘୋଷଣା କରାଯାଇଥିଲା । ଏହି ୨ଟି ମ୍ୟାଚ୍ ମୁଲାନ୍ପୁରକୁ ମିଳିଛି । ପୁଣି ବିସିସିଆଇ ମଧ୍ୟସ୍ଥ ଆଉ ଏକ ସୂତ୍ରରୁ ପ୍ରକାଶ ଯେ ହାଇଦରାବାଦର ଘରୋଇ ଦଳ ସନ୍ରାଇଜର୍ସ ସନ୍ରାଇଜର୍ସ ଓ କଲକାତାର ଘରୋଇ ଦଳ କେକେଆର୍ ପ୍ଲେଅଫରେ ପହଞ୍ଚି ନାହାନ୍ତି । ଅନ୍ୟପକ୍ଷରେ ମୁଳାନ୍ପୁରର ଘରୋଇ ଦଳ ପଞ୍ଜାବ କିଙ୍ଗସ ଓ ଅହମ୍ମଦାବାଦର ଘରୋଇ ଦଳ ଗୁଜରାଟ ଟାଇଟାନ୍ସ ପ୍ଲେଅଫ୍ ଖେଳିବାର ଥିବାରୁ ଉଭୟ ସହରକୁ ପ୍ଲେଅଫର ଆୟୋଜକ ଭାବେ ବଛାଯାଇଛି।
ଏଣେ ମେ’ ୨୩ରେ ହେବାକୁ ଥିବା ରୟାଲ ଚ୍ୟାଲେଞ୍ଜର୍ସ ଦେଙ୍ଗାଲୁରୁ (ଆର୍ସିବି) ର ଚୂଡ଼ାନ୍ତ ଘରୋଇ ମ୍ୟାଚ୍ ବର୍ଷା ଆଶଙ୍କା ଯୋଗୁଁ ଲକ୍ଷ୍ନୌକୁ ସ୍ଥାନାନ୍ତର କରାଯାଇଛି । ସନ୍ରାଇଜର୍ସ ହାଇଦରାବାଦ ବିପକ୍ଷରେ ଏହି ମ୍ୟାଚ୍ ଲକ୍ଷ୍ନୌରେ ଖେଳାଯିବ। ମେ’ ୨୭ରେ ଆର୍ସିବି ଓ ଲକ୍ଷ୍ନୌ ସୁପରେ ଜାଏଣ୍ଟ୍ସ ମଧ୍ୟରେ ମ୍ୟାଚ୍ ମଧ୍ୟ ଲକ୍ଷ୍ନୌରେ ଖେଳାଯିବ। ଗତ ଏକ ସପ୍ତାହ ହେଲା ବେଙ୍ଗାଳୁରୁରେ ପ୍ରବଳ ବର୍ଷା ହେଉଛି । ଗତ ୧୭ରେ ଏଠାରେ ବଳକାତା ନାଇଟ୍ ରାଉଜର୍ସ ବିପକ୍ଷରେ ଆସିବିର ମ୍ୟାଚ୍ ବର୍ଷା ଯୋଗୁଁ ସମ୍ପୂର୍ଣ୍ଣ ଧୋଇ ଯାଇଥିଲା ।
ବେଙ୍ଗାଲୁରୁରେ ଆଉ ୪/୫ ଦିନ ବର୍ଷା ହେବାର ପୂର୍ବାନୁମାନ କରାଯାଇଛି । ଏହାକୁ ଦୃଷ୍ଟିରେ ରଖ୍ ଆର୍ସିବି-ସନ୍ରାଇଜର୍ସ ମ୍ୟାଚ୍ ଲକ୍ଷ୍ନୌକୁ ସ୍ଥାନାନ୍ତର କରାଯାଉଛି । ବେଙ୍ଗାଳୁରୁ ଏହି ନିଷ୍ପତ୍ତିକୁ ସ୍ଵାଗତ ରଖୁଛି । ଶେଷ ୨ଟି ମ୍ୟାଚ୍ ଜିତି ଟେବୁଲର ପ୍ରଥମ ୨ଟି ସ୍ଥାନରେ ରହିବାକୁ ଆରସିବି ଲକ୍ଷ୍ୟ ରଖୁଛି । ୨୩ର ମ୍ୟାଚ୍ ବର୍ଷା ଯୋଗୁଁ ବାତିଲ ହୋଇଥିଲେ ଆରସିବି କ୍ଷତି ସହିଥାଆନ୍ତା।
