ଭୁବନେଶ୍ୱର: ମଞ୍ଚେଶ୍ୱର ଶିଳ୍ପାଞ୍ଚଳରେ ଯୁବକଙ୍କୁ ମରଣାନ୍ତକ ଆକ୍ରମଣ କରାଯାଇଥିବା ସୂଚନା ମିଳିଛି। କିଛି ଅଜଣା ଦୁର୍ବୁତ୍ତ ଦୁଇ ଗୋଡ ଓ ଦୁଇ ହାତକୁ ହାଣି ଦେଇଛନ୍ତି। ଏହାସହିତ ଶରୀରର ବିଭିନ୍ନ ସ୍ଥାନରେ ଆକ୍ରମଣ କରିଥିବା ଜଣାପଡ଼ିଛି। ଫଳରେ ଘଟଣାସ୍ଥଳରେ ପ୍ରବଳ ରକ୍ତସ୍ରାବ ହୋଇଥିବାବେଳେ ଯୁବକ ଜଣକୁ ଅତି ଗୁରୁତର ଭାବେ ଘଟଣାସ୍ଥଳରୁ ଉଦ୍ଧାର କରାଯାଇଛି।
ଖବର ପାଇ ମଞ୍ଚେଶ୍ୱର ଥାନା ପୁଲିସ ଘଟଣାସ୍ଥଳରେ ପହଞ୍ଚି ଗୁରୁତର ଅବସ୍ଥାରେ ଯୁବକଙ୍କୁ ଉଦ୍ଧାର ପରେ ମେଡ଼ିକାଲରେ ଚିକିତ୍ସା ପାଇଁ ଭର୍ତ୍ତି କରିଛି। ଘଟଣାସ୍ଥଳରେ ଚପଲ ସହ ରକ୍ତର ଛିଟା ପଡ଼ିଥିବାବେଳେ ପୁଲିସ ଛାନଭିନ ଜାରି ରଖିଛି। ଯୁବକଙ୍କ ବୟସ ପ୍ରାୟ ୨୨ ବର୍ଷ ବୋଲି ଅନୁମାନ କରାଯାଉଥିବାବେଳେ ତାଙ୍କୁ କ’ଣ ପାଇଁ ଆକ୍ରମଣ କରାଯାଇଛି ତାହାର କାରଣ ଜଣାପଡ଼ିନାହିଁ।
Comments are closed.