ନୂଆଦିଲ୍ଲୀ : ସୁଜୁକି ମୋଟରସାଇକେଲ ଇଣ୍ଡିଆ ପ୍ରାଇଭେଟ୍ ଲିମିଟେଡ୍ ମଙ୍ଗଳବାର ହରିୟାଣାରେ ନିଜ ନୂଆ ଉତ୍ପାଦନ କାରଖାନାର ଶିଳାନ୍ୟାସ କରିଛି । ଏଥିରେ ପ୍ରାୟ ୧୨୦୦ କୋଟି ଟଙ୍କାର ପ୍ରାରମ୍ଭିକ ନିବେଶରେ ପ୍ରଥମ ପର୍ଯ୍ୟାୟରେ ୭.୫ ଲକ୍ଷ ୟୁନିଟ୍ସ ଉତ୍ପାଦନର ବାର୍ଷିକ କ୍ଷମତା ପ୍ରସ୍ତୁତ କରାଯିବ । ଏହି କାରଖାନାରେ ଉତ୍ପାଦନ ୨୦୨୭ରେ ଆରମ୍ଭ ହେବ । ଏଥିରେ ଭାରତର ଏସଏମଆଇପିଏଲର ଉତ୍ପାଦନ କ୍ଷମତା ବୃଦ୍ଧି ହେବ । ଏଥିରେ ପ୍ରାୟ ୨ ହଜାର ଲୋକଙ୍କୁ ନିଯୁକ୍ତି ମିଳିବ ବୋଲି କମ୍ପାନୀ ସୂଚନା ଦେଇଛି ।
ସୁଜୁକି ମୋଟରସାଇକେଲ ଇଣ୍ଡିଆ ପ୍ରାଇଭେଟ୍ ଲିମିଟେଡ୍ ଫେବୃୟାରୀ ୨୦୦୬ରେ ଗୁରୁଗ୍ରାମର ଖେଡକୀ ଦୌଲାରେ ନିଜ ନିର୍ମାଣ କାରଖାନାରୁ ଭାରତରେ ନିଜ ପରିଚାଳନା ଆରମ୍ଭ କରିଥିଲା । କମ୍ପାନୀ ବର୍ତ୍ତମାନ ସ୍କୁଟର (୧୨୫ ସିସି) ଓ ପ୍ରିମିୟମ ମୋଟରସାଇକେଲ(୧୫୦ ସିସି ଓ ତଦୁର୍ଦ୍ଧ) ପ୍ରସ୍ତୁତ କରିଥାଏ । ଏହି ନୂଆ ଉତ୍ପାଦନ ସୁବିଧା ଫଳରେ କମ୍ପାନୀ ଭାରତୀୟ ବଜାରରେ ନିଜ ଉତ୍ପାଦନର ବର୍ଦ୍ଧିତ ଚାହିଦାକୁ ପୁରା କରିବାରେ ସକ୍ଷମ ହେବ ।
Comments are closed.