ପାଟଣା: ଅଗ୍ରଣୀ ସ୍ଵେଛାସେବୀ ସଙ୍ଗଠନ ‘ପିକକ୍’ ପକ୍ଷରୁ ଆଜି ଅନ୍ତର୍ଜାତୀୟ ଶିଶୁକନ୍ୟା ଦିବସ ପାଟଣା ଓ ଘଟଗାଁ ବ୍ଲକ୍ ଅଞ୍ଚଳର ବିଭିନ୍ନ ଗ୍ରାମରେ କୋଭିଡ୍ କଟକଣା ନିୟମ ମାନି ପାଳନ କରାଯାଇଛି। ଘଟଗାଁ ବ୍ଲକ ଅନ୍ତର୍ଗତ କୁଣ୍ଡାପିଠା, ବାଇଗଣପାଳ, ମୂର୍ଗାପାହାଡି ଓ ଦେହୁରିପଶି ଗ୍ରାମରେ ପିକକ୍ ସଂଗଠନ ପକ୍ଷରୁ ଶିଶୁକନ୍ୟାମାନଙ୍କୁ ନେଇ ଚିତ୍ରାଙ୍କନ ପ୍ରତିଯୋଗିତା, ପୋଷ୍ଟର ପ୍ରତିଯୋଗିତା ସହ କୋଭିଡ୍-୧୯ ସମୟରେ କିପରି ସାମାଜିକ ଓ ଶାରୀରିକ ଦୂରତା ରକ୍ଷା କରାଯିବ ସେ ନେଇ ଶିଶୁକନ୍ୟା ମାନଙ୍କୁ ସଚେତନତା ବାର୍ତ୍ତା ଦିଆଯାଇଥିଲା । ସଂଗଠନ ପକ୍ଷରୁ ହରିହର ବଳବନ୍ତରାୟ ଓ ସମର ଦାସଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ କାର୍ୟ୍ୟକ୍ରମ ଅନୁଷ୍ଠିତ ହୋଇଛି। ସେହିପରି ପାଟଣା ବ୍ଲକର ବଡଧନୁର୍ଜୟପୁର, ଗାଲଫୁଲା, ମାଧପୁର, ଅଙ୍ଗିକଳା, ବାରଡାଙ୍ଗୁଆ, ଶରଧାପୁର ଓ ଜଡିଚାତର ଗ୍ରାମରେ ପିକକ୍ ପକ୍ଷରୁ ଅନ୍ତର୍ଜାତୀୟ ଶିଶୁକନ୍ୟା ଦିବସ ଅବସରରେ ଶିଶୁକନ୍ୟା ମାନଙ୍କୁ ନେଇ ପୁଚି ପ୍ରତିଯୋଗୀତା, ସାଧାରଣଜ୍ଞାନ, ଦୌଡ଼ିଡିଆଁ, ବକ୍ତୃତା ପ୍ରତିଯୋଗୀତା ସହ ନୃତ୍ୟ ପ୍ରତିଯୋଗୀତା ଅନୁଷ୍ଠିତ ହୋଇଛି। ବର୍ତ୍ତମାନ ସମୟରେ ମାସ୍କ ବ୍ୟବହାର, ସାମାଜିକ ଦୁରତ୍ଵ ମାନିବା ସହ ହାତ ସଫା ରଖିବା ଉପରେ ଶିଶୁକନ୍ୟାମାନଙ୍କୁ ସଚେତନତା ବାର୍ତ୍ତା ଦିଆଯାଇଥିଲା। କାର୍ୟ୍ୟକ୍ରମ ସଂଯୋଜକ ସତ୍ୟନାରାୟଣ ମହାନ୍ତଙ୍କ ସହ ଦ୍ରୌପଦୀ ବେଜ ଓ ରୀନାରାଣୀ ଦାସ କାର୍ୟ୍ୟକ୍ରମ ପରିଚାଳନା କରିଥିଲେ।
Popular Categories
Previous article
Next article