ଗୟାନା : ଭାରତ ଓ ଓ୍ୱେଷ୍ଟଇଣ୍ଡିଜ ମଧ୍ୟରେ ଗୁରୁବାର ଠାରୁ ଆରମ୍ଭ ହେବାକୁ ଯାଉଛି ଦିନିକିଆ କ୍ରିକେଟ ସିରିଜ୍ । ପ୍ରଥମ ଦିନିକିଆ ଗୟାନାର ପ୍ରୋଭିଡେନ୍ସ ଷ୍ଟାଡିୟମରେ ଖେଳାଯିବ । ବିରାଟ ବାହିନୀ ଟ୍ବେଣ୍ଟି-୨୦ ସିରିଜ ବିଜୟ ପରେ ଦିନିକିଆ ସିରିଜକୁ ହାତେଇବା ଲକ୍ଷ୍ୟରେ ଥିଲାବେଳେ ଘରୋଇ ଦଳ ଓ୍ୱେଷ୍ଟେଣ୍ଡିଜ ଦିନିକିଆ ସରିଜ ଜିତି ଟ୍ବେଣ୍ଟି-୨୦ ସିରିଜ ପରାଜୟର ପ୍ରତିଶୋଧ ନେବା ଲକ୍ଷ୍ୟରେ ପଡିଆକୁ ଓହ୍ଲାଇବ । ଭାରତ ପକ୍ଷରୁ ଶ୍ରେଷ୍ଠ କ୍ରମର ବ୍ୟାଟସ ମ୍ୟାନ ରୋହିତ ଶର୍ମା ,ଶିଖର ଧାୱନ ଓ ବିରାଟ କୋହିଲି ଥିଲା ବେଳ ମଧ୍ୟଭାଗରେ ମନିଷ ପାଣ୍ଡେ, ଶ୍ରେୟଶ ଆୟାର ,କେ ଏଲ ରାହୁଲ ଯୁବ ଓ୍ୱିକେଟ ରକ୍ଷକ ଓ ବିସ୍ଫୋରକ ବ୍ୟାଟସ୍ ମ୍ୟାନ ଋଷଭ ପନ୍ତଙ୍କ ସହ ଅଲରାଉଣ୍ଡର ରବୀନ୍ଦ୍ର ଜାଡେଜା ଅଛନ୍ତି । ବୋଲିଂ ବିଭାଗରେ ଭଲ ଫର୍ମରେ ଅଛନ୍ତି ଯୁବ ପେସ୍ ବୋଲର ନବଦୀପ ସାଇନି । ସ୍ପିନ ବିଭାଗକୁ ସମ୍ଭାଳିବା ପାଇଁ ଚାଇନା ମ୍ୟାନ କୁଲଦୀପ ଯାଦବ ଓ ୟୁଜୁବେନ୍ଦ୍ର ଚହଲଙ୍କ ଭଳି ଦକ୍ଷ ବୋଲର ଅଛନ୍ତି ।
ଓ୍ୱେଷ୍ଟେଣ୍ଡିଜର ମଧ୍ୟ ଶ୍ରେଷ୍ଠ କ୍ରମର ବ୍ୟାଟସ ମ୍ୟାନ ବିସ୍ଫୋରକ ବ୍ୟାଟସମାନ କ୍ରିସ୍ ଗେଲ , ଇଭିନ ଲୁଇସଙ୍କ ସହ ହେଟମାୟର ଅଛନ୍ତି । ମଧ୍ୟଭାଗକୁ ସମ୍ଭାଳିବା ପାଇଁ ପୋରାନ ,କାର୍ଲୋସ ବ୍ରାଥଓ୍ୱେଟଙ୍କ ଭଳି ବ୍ୟାଟ୍ସ ମ୍ୟାନ ଥିଲାବେଳେ । ବୋଲିଂ ବିଭାଗରେ କେମୋର ରୋଚ, ଓସେନ ଥୋମାସ, କେମୋ ପାଉଲ, ସେଲଡନ କଟ୍ରେଲ ଭଳି ବହୁ ଦକ୍ଷ ବୋଲର ଅଛନ୍ତି । ସିରିଜରେ କଡା ମୁକାବିଲା ହେବ ବୋଲି ଅନୁମାନ କରାଯାଉଛି । ତେବେ ଦ୍ୱିତୀୟ ଓ ତୃତୀୟ ଦିନିକିଆ ଯଥାକ୍ରମେ ୧୧ଓ୧୪ ତାରିଖରେ ଓଭାଲ ଠାରେ ଖେଳାଯିବ ।
