ନାଗପୁର: ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲିଙ୍କ ଶତକ ବଳରେ ମଙ୍ଗଳବାର ମହାରାଷ୍ଟ୍ରର ନାଗପୁରସ୍ଥିତ ବିଦର୍ଭ କ୍ରିକେଟ୍ ଆସୋସିଏସନ୍ ଷ୍ଟାଡିୟମ୍ରେ ଖେଳାଯାଇଥିବା ଦ୍ବିତୀୟ ଦିନିକିଆରେ ଅଷ୍ଟ୍ରେଲିଆ ପାଇଁ ୨୫୧ ରନ୍ର ବିଜୟ ଲକ୍ଷ୍ୟ ରଖିଛି ଭାରତ। ଏହି ମ୍ୟାଚରେ ବିରାଟ ନିଜର ୪୦ ତମ ଶତକ (୧୧୬ ରନ୍, ୧୨୦ ବଲ୍, ୧୦ ଚୌକା) ହାସଲ କରିଛନ୍ତି। ଭାରତ ୪୮.୨ ଓଭରରେ ସମସ୍ତ ଓ୍ଵିକେଟ ହରାଇ ୨୫୦ରନ୍ କରିଛି।
ଅଷ୍ଟ୍ରେଲିଆ ଟସ୍ ଜିତି ପ୍ରଥମେ ବୋଲିଂ ନିଷ୍ପତ୍ତି ନେଇଥିଲା। ଭାରତ ଖାତା ନଖୋଲି ତାର ପ୍ରଥମ ୱିକେଟ ଭାବେ ରୋହିତ ଶର୍ମାଙ୍କୁ ହରାଇଥିଲା। ଏହା ପରେ କୋହଲି ପଡ଼ିଆକୁ ଓହ୍ଲାଇଥିଲେ। ଗୋଟିଏ ପଟେ କୋହଲି କ୍ରମାଗତ ସ୍କୋର କରି ଚାଲିଥିଲାବେଳେ ଅନ୍ୟପଟେ ଭାରତ ଗୋଟିଏ ପରେ ଗୋଟିଏ ୱିକେଟ ହରାଇଥିଲା। କୋହଲି ୪୭ ଓଭର ଯାଏଁ ପଡ଼ିଆରେ ରହି ନିଜର ବ୍ୟକ୍ତିଗତ ୪୦ତମ ଶତକ ହାସଲ କରି ଭାରତକୁ ଏକ ଭଲ ସ୍କୋରକୁ ନେଇପାରିଥିଲେ। ୪୭.୧ ଓଭରରେ କୋହଲି ଅଷ୍ଟ୍ରେଲିଆର ଅଷ୍ଟମ ଶିକାର ହେବା ପରେ ଭାରତ ୪୮.୨ ଓଭରରେ ସମସ୍ତ ଓ୍ଵିକେଟ ହରାଇ ୨୫୦ ରନ୍ କରିଥିଲା।
