ଗୁଜୁରାଟ: କୃଷକ ଓ ଜବାନମାନେ ଆମକୁ ଖାଦ୍ୟ ଓ ନିରାପତ୍ତା ଯୋଗାଉଥିବାରୁ ସେମାନଙ୍କ ହାତରେ ଆମ ଦେଶ ନିରାପଦରେ ରହିଛି। ଗୁଜୁରାଟ ଗାନ୍ଧୀନଗର ଜିଲ୍ଲାର ଅଦାଲଜଠାରେ ଅନ୍ନପୂର୍ଣ୍ଣାଧାମ ମନ୍ଦିର ପରିସରରେ ସମବେତ ଜନତାଙ୍କୁ ଉଦ୍ବୋଧନ ଦେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି ଯେ ଧାର୍ମିକ, ସାଂସ୍କୃତିକ ଓ ସାମୁଦାୟିକ ପ୍ରତିଷ୍ଠାନଗୁଡ଼ିକ ସାମାଜିକ ପରିବର୍ତ୍ତନ ଓ ପରିବେଶ ସୁରକ୍ଷା ଦିଗରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛନ୍ତି। ଅନ୍ନପୂର୍ଣ୍ଣାଧାମ ଭଳି ଧାର୍ମିକ କେନ୍ଦ୍ରଗୁଡ଼ିକ ସାଂସ୍କୃତିକ ଓ ଶିକ୍ଷା କେନ୍ଦ୍ରଭାବେ ପ୍ରତିଷ୍ଠା ଲାଭ କରିବା ଅତି ଆନନ୍ଦର ବିଷୟ ବୋଲି ପ୍ରଧାନମନ୍ତ୍ରୀ କହିବା ସହ ସମାଜରେ ସମସ୍ତଙ୍କର ସମୃଦ୍ଧି ଓ ସମାନତା ଆଣିବା ଦିଗରେ ତାହା ଗୁରୁତ୍ୱ ବହନ କରୁଥିବା ସେ କହିଛନ୍ତି। ପ୍ରଧାନମନ୍ତ୍ରୀ ଅନ୍ନପୂର୍ଣ୍ଣା ମଠ ପରିସରରେ ଶିକ୍ଷା ଭବନ ଓ ବିଦ୍ୟାର୍ଥୀ ଭବନର ଶିଳାନ୍ୟାସ କରିଛନ୍ତି।
