ସଭିଏଁ ଇଚ୍ଛା କରନ୍ତି, ସେମାନେ ଦୀର୍ଘାୟୁ ହୁଅନ୍ତୁ। ମାତ୍ର ବର୍ତ୍ତମାନ ସମୟରେ ଲୋକେ ନିଜ ଜୀବନଶୈଳୀ ଓ ଖାଦ୍ୟପେୟ କାରଣରୁ ଅଧିକାଂଶ ଲୋକେ ରୋଗଗ୍ରସ୍ତ ହେଉଛନ୍ତି। ହୃଦଘାତ କାରଣରୁ କମ୍ ବୟସରେ ମଧ୍ୟ ଜୀବନ ଚାଲି ଯାଉଛି। ପୂର୍ବ କାଳରେ ଲୋକେ ଦୀର୍ଘାୟୁ ହେଉଥିଲେ। ତେବେ ଦୀର୍ଘାୟୁ ହେବା ପାଇଁ ତଥା ୧୦୦ ବର୍ଷ ବଞ୍ଚିବା ପାଇଁ ନିଜ ଖାଦ୍ୟରେ କିଛି ସ୍ୱତନ୍ତ୍ର ଜିନିଷ ସାମିଲ କରନ୍ତୁ। ଜାଣନ୍ତୁ..
ମାଂସକୁ ନିଜ ଖାଦ୍ୟରେ ସାମିଲ କରିବା ଦ୍ୱାରା ଦୀର୍ଘାୟୁ ହୋଇପାରିବେ। ମାତ୍ର ଏହାକୁ ସୀମିତ ମାତ୍ରାରେ ଖାଇବା ଆବଶ୍ୟକ। ସୀମିତ ମାତ୍ରାରେ ସେବନ କରିବା ଦ୍ୱାରା ଶରୀରକୁ ଆବଶ୍ୟକ ପରିମାଣରେ ପୋଷକ ତତ୍ତ୍ୱ ମିଳିଥାଏ। ଶରୀରରେ ଅନ୍ୟାନ୍ୟ ଭିଟାମିନ୍ର ଅଭାବ ମଧ୍ୟ ପୂରଣ ହୋଇଥାଏ। ଶରୀରକୁ ବିଭିନ୍ନ ରୋଗରୁ ମଧ୍ୟ ରକ୍ଷା କରିଥାଏ।
ଜାମୁ କୋଳିରେ ବିଭିନ୍ନ ପ୍ରକାର ଆଣ୍ଟି-ଅକ୍ସିଡାଣ୍ଟ ଭରପୁର ମାତ୍ରାରେ ରହିଛି। ନିୟମିତ ରୂପରେ ଏହାର ସେବନ କରିବା ଦ୍ୱାରା ଚିନ୍ତା ଓ କୋଲେଷ୍ଟେରୋଲ୍ ହ୍ରାସ ହୋଇଥାଏ। ଏଥିରେ କର୍କଟକୁ ଦୂର କରିବାର ଗୁଣ ରହିଛି। ଏଥିରେ କ୍ୟାଲସିୟମ ଓ ଭିଟାମିନ୍ ଭରପୁର ରହିଛି। ହାଡକୁ ମଧ୍ୟ ମଜଭୂତ କରିବାରେ ସହାୟକ ହୋଇଥାଏ।
ଡାଳିମ୍ବରେ ଅନେକ ପୋଷକ ତତ୍ତ୍ୱ ରହିଛି। ଏହା ଶରୀରକୁ ସୁସ୍ଥ ରଖିବାରେ ସହାୟକ ହୋଇଥାଏ। ଏହାର ଜୁସ୍ ସେବନ କରିବା ଦ୍ୱାରା ସ୍ମରଣ ଶକ୍ତି ବୃଦ୍ଧି ହୋଇଥାଏ।
ଛତୁରେ ଫାଇବର, ଭିଟାମିନ୍-ଡି, ପ୍ରୋଟିନ୍, ଜିଙ୍କ୍, ସେଲେନିୟମ ଭରପୁର ମାତ୍ରାରେ ରହିଛି। ଏଥିରେ ଥିବା ପୋଷକ ତତ୍ତ୍ୱ ଦୀର୍ଘାୟୁ କରିଥାଏ।
