ସୋମବାର ରାଶିଫଳ(୦୬.୦୩.୨୦୨୩)

ମେଷ : ଦୈବୀ ବଳରେ ବଳୀୟାନ ହୋଇପାରନ୍ତି ଓ ଧନଧାନ୍ୟରେ ଭଣ୍ଡାର ପରିପୂର୍ଣ୍ଣ କରିପାରନ୍ତି। କର୍ମଚଞ୍ଚଳ ରହିବେ। କନ୍ୟା ସନ୍ତାନ ପାଇଁ ଗର୍ବିତ ହେବେ। ବ୍ୟବସାୟରେ ଲକ୍ଷ୍ମୀ ବରଦାୟିକା ସାଜିଛନ୍ତି।

ବୃଷ : ଉଦାର ଚରିତସମ୍ପନ୍ନ ହେବେ। ଜଣେ କୃଷି ବିଷାରଦଭାବେ କୃଷକମାନଙ୍କର ତାଲିମ୍‌ଦାତା ହୋଇପାରନ୍ତି। ବିକଶିତ ବ୍ୟକ୍ତିତ୍ବସମ୍ପନ୍ନ ହେବେ। ଦାନଧର୍ମକୁ ଜୀବନର ବ୍ରତଭାବେ ଗ୍ରହଣ କରିପାରନ୍ତି।

ମିଥୁନ : ଈଶ୍ବରଙ୍କଠାରେ ଲୟ ରଖି, ସତ୍ୟ ଓ ଅହିଂସାକୁ ଜୀବନର ସଂହିତା କରିପାରନ୍ତି। ଭାଷାର ମାଧୁରିମା ଓ ବ୍ୟବହାରର ଅମୃତାୟନ ଆପଣଙ୍କ ମହାନ୍‌ତାର ପରିଚୟ ସୃଷ୍ଟି କରିବ। ପ୍ରେମୀ ଓ ସାହସୀ ହେବେ।

କର୍କଟ : ମାହାଜନ ନ ହୋଇ ମହାଜନ ହେବେ। ଭକ୍ତି ଭାବର ପ୍ରବକ୍ତା ହେବ। ନୈତିକତାର ମହାମନ୍ତ୍ରରେ ମନ୍ତ୍ରିତ ହୋଇପାରନ୍ତି। ସହିଷ୍ଣୁ ବ୍ୟକ୍ତିଭାବେ ସର୍ବତ୍ର ଆଦରଣୀୟ ହେବେ। ସାରସ୍ବତ୍ବ ସ୍ରଷ୍ଟା ହୋଇପାରନ୍ତି।

ସିଂହ : ଗତି ଓ ମୁକ୍ତିର ଶଙ୍ଖଧ୍ବନି ମଧ୍ୟରେ ଶ୍ରୀଚନ୍ଦ୍ରସମ୍ପନ୍ନ ହେବେ। ବିଭିନ୍ନ ସ୍ତରରୁ ଓ ବନ୍ଧୁ, ବ୍ୟକ୍ତିବିଶେଷଙ୍କ ଶ୍ରଦ୍ଧା ଉପହାର ପ୍ରତି ବଦଳରେ କେବଳ କୃତଜ୍ଞତା ଜ୍ଞାପନ କରିପାରନ୍ତି। ଶୁଦ୍ଧ ଆହାର ଭୋଜନ କରିବେ।

କନ୍ୟା ‌: ଏକାନ୍ତ ସାଧନା ପାଇଁ ତ୍ରିଦଶାଳୟ ଚୁମ୍ବି ଗିରିରାଜଙ୍କ ଆମନ୍ତ୍ରଣ ରକ୍ଷା କରିବାକୁ ପଡ଼ିବ। ଆମ କାର୍ଯ୍ୟରେ ଧନ ବ୍ୟୟ ପାଇଁ କୁଣ୍ଠା ପ୍ରକାଶ କରିବେ ନାହିଁ। ଶ୍ରେଷ୍ଠ ରାଜଯୋଗ ଥିବାରୁ କର୍ମକୁଶଳୀ ହୋଇପାରନ୍ତି।

ତୁଳା : ଆୟୁଷ୍ମାନ୍‌ ହେବେ। ସନ୍ମାର୍ଗୀ ହୋଇ ଅମୃତର ସନ୍ଧାନ ପାଇବେ। ମହନୀୟ କର୍ମ ସମୂହ ଆପଣଙ୍କୁ ଶ୍ରେଷ୍ଠାସନ ଦେବ। ସରକାରୀ ସ୍ତରରୁ ଅର୍ଥ ସହିତ ସମ୍ମାନ ପ୍ରାପ୍ତିର ସୂଚନା ମିଳୁଛି। ପରୋପକାରୀ ହେବେ।

ବିଛା : କର୍ମଫଳ ବିଧାନ ହେଉଛି। ଜୀବନର ସମ୍ବିଧାନ; ଅର୍ଥାତ୍‌ ବିଧି ବ୍ୟବସ୍ଥା ଜ୍ଞାନର ଉଳମୟ ପ୍ରଦୀପ କର୍ମପଥ ଅନ୍ବେଷଣରେ ସହାୟକ ହେବ। ପାରିବାରିକ ସ୍ନେହରେ ଘରକୁ ବୈକୁଣ୍ଠ ସମାନ କରିପାରନ୍ତି।

ଧନୁ : ସଫଳତା ପାଇଁ ସାହସ, ଧୈର୍ଯ୍ୟ, ତିତିକ୍ଷା, ସତର୍କତା ଓ ସଂଗଠନ ଶକ୍ତି ଭଳି ଗୁଣରେ ଆପଣ ଗୁଣୀ ହେବେ। ଦାନ ରୂପକ ବୈଧୀ କର୍ମ କରି ପ୍ରଶଂସାର ପାତ୍ର ହେବେ। ପତ୍ନୀଙ୍କ ସହଯୋଗ ପ୍ରାପ୍ତ ହେବ।

ମକର : ଆକାଂକ୍ଷା ରୂପକ ବେଡ଼ି ଜୀବନରେ ଅଗ୍ରସର ହେବାର ପଥରୋଧ କରୁଛି। ସ୍ବାସ୍ଥ୍ୟହାନି କରିବାର ମୂଳ କାରଣ ହୋଇପାରେ। ସତର୍କତା, ସରଳତା ଏହାର ନିରାକରଣରେ ସତର୍କ ରହିବେ।

କୁମ୍ଭ : ଆପଣ ସତ୍ୟପ୍ରଜ୍ଞ ହୋଇଥିବାରୁ ପ୍ରକାଶ ପାଉଥିବା ରାଗ ଓ କ୍ରୋଧ ପାଣିର ଗାର ହୋଇପାରେ। ଏହା ବଂଶ ପରମ୍ପରାର ଲକ୍ଷଣ ଅଟେ। ଶାରୀରିକ ଶକ୍ତି ହ୍ରାସ ହେଲେ ବି ପ୍ରାର୍ଥନାଦ୍ବାରା ବୃଦ୍ଧି ହେବ।

ମୀନ : କର୍ମକ୍ଷେତ୍ରରେ ନିଷ୍ଠାପର ସେବା, ଉଚ୍ଚ ପଦାଧିକାରୀଙ୍କୁ ବିମୋହିତ କରିବା ଉପନିଷ୍ଟ ମତରେ ‘ମାତୃଦେବ ଭବ’ ପରିବର୍ତ୍ତେ ଦରିଦ୍ର ଦେବୋ ଭବ ପ୍ରତି ଧ୍ୟାନ ଦେବା ମାନବୀୟ କର୍ମ ହେବ।