ସୋମବାର ରାଶିଫଳ (୨୬/୦୯/୨୦୨୨)

ମେଷ : ଶତ୍ରୁ ପ୍ରାଣାହାନିରୁ ବର୍ତ୍ତିବା ପାଇଁ ଆତ୍ମସମର୍ପଣ ପୂର୍ବକ ପରାଜୟ ବରଣ କରିବାକୁ ବାଧ୍ୟ ହେବ। ଋଣଦାତା ସମ୍ମାନବୋଧ ଆଧାରରେ ବିନା ସୁଧରେ ପ୍ରଦତ୍ତ ଋଣ ଅର୍ଥ ଗ୍ରହଣ କରିପାରନ୍ତି।

ବୃଷ : ଶ୍ରଦ୍ଧା ଓ ବିଶ୍ବାସ ରଜୁରେ ଅନୁବନ୍ଧିତ ହୋଇଯାଇଛି। ପ୍ରଭୂତ ବିତ୍ତର ଅଧିକାରୀ ହେବେ। କୋମଳ ହୃଦୟଯୁକ୍ତ ଓ ଜ୍ଞାନର ଭଣ୍ଡାର ହେବେ। ଧାର୍ମିକ, ତେଜସ୍ବୀ ଓ ଉତ୍ତମ ବ୍ୟକ୍ତିତ୍ବ ସମ୍ପନ୍ନ ହେବେ। 

ମିଥୁନ : କୃଷକ କଲ୍ୟାଣ ପାଇଁ ଅନୁଦାନ ପ୍ରଦାନ କରି ଉଦାର ସ୍ବଭାବର ପରିପ୍ରକାଶ ଘଟାଇପାରନ୍ତି। ଶୋଭନ ବ୍ୟକ୍ତିତ୍ବ ଅଧିକ ବିକଶିତ ହେବ। ଯାନବାହନ ସୁଖ ମିଳିବ। ସୁସ୍ଥ ରହିବେ।

କର୍କଟ : ଦାନଶୀଳ ଭାବେ ଭୋକିଲାମାନଙ୍କ ଜଠରାଗ୍ନିକୁ ନିର୍ବାପିତ କରିପାରନ୍ତି। ସର୍ବଦର୍ଶୀ ହେବେ। ସୁଖ, ଶାନ୍ତି, ସମୃଦ୍ଧିର ବାସ୍ତବ ଆଧାର ହୋଇପାରନ୍ତି। ଚରିତ୍ରବାନ ବ୍ୟକ୍ତିବିଶେଷଙ୍କ ପ୍ରତୀକ ହେବେ।

ସିଂହ : ସ୍ବକର୍ମର ଆଧାରରେ ନିଜର ଭାଗ୍ୟନିୟନ୍ତା ନିଜେ ହେବେ। ଜୀବନ ଶୋଧନର ରାଜମାର୍ଗ, ତ୍ୟାଗପୂତ ମନୋବୃତ୍ତିର ହୋଇପାରନ୍ତି। ବିଭିନ୍ନ ସ୍ତରର ଧନାଗମକୁ ଶିଶୁକଲ୍ୟାଣ ପାଇଁ ଗଚ୍ଛିତ କରିପାରନ୍ତି।

କନ୍ୟା : ଧର୍ମୀୟ ବିଚାରରେ ଉଦାର ସ୍ବଭାବର ହେବେ। ଐଶ୍ବର୍ଯ୍ୟପ୍ରାପ୍ତିର ସୂଚନା ମିଳୁଛି। ସୁସ୍ବାଦୁ ଭୋଜନରେ ଆତ୍ମୀୟସ୍ବଜନଙ୍କ ସହିତ ନିଜେ ଆପ୍ୟାୟିତ ହେବେ। ପରୋପକାର ପାଇଁ ଉତ୍ସର୍ଗୀକୃତ ହୋଇପାରନ୍ତି।

ତୁଳା : ଏକାନ୍ତରେ ମୌନାବତାର ପୂର୍ବକ ତପ-ସାଧନାରେ ନିମଗ୍ନ ହୋଇପାରନ୍ତି । ସ୍ନେହସିକ୍ତ ଭାଷା ଓ ପ୍ରେମପୂର୍ଣ୍ଣ ବ୍ୟବହାର ପାଇଁ ଆଦରଣୀୟ ହେବେ। ପରୋପକାରରେ ଧନବ୍ୟୟ କରିବେ।

ବିଛା : କାୟ ମନୋବାକ୍ୟରେ ଧର୍ମ ଆଚରଣ କରିପାରନ୍ତି। କର୍ମଚଞ୍ଚଳ ରହିବେ। ଆର୍ଥିକ ଚାପର ସମ୍ମୁଖୀନ ହୋଇ ବି ସ୍ବାଭିମାନର ସହ ଚଳିବେ। ନିଷ୍ଠାର ପୁରସ୍କାର ସ୍ବରୂପ ସରକାରୀ ସମ୍ମାନ ଓ କୃପା ମିଳିବ।

ଧନୁ : ସହିଦଙ୍କ ଭଳି ସମର୍ପଣ ମନୋଭାବର ପ୍ରତୀକ ହୋଇପାରନ୍ତି। ଜ୍ଞାନଦୀପର ସଳିତା ହୋଇ ନିଜେ ଜଳି ନିଃଶେଷ ହେବା ସହିତ ଅନ୍ୟକୁ ଆଲୋକଦାନ କରିପାରନ୍ତି। ବ୍ୟବସାୟରୁ ଲାଭବାନ ହେବେ।

ମକର : ବ୍ରହ୍ମଜ୍ଞାନ ପ୍ରାପ୍ତି ପାଇଁ କାମନା ବାସନା ପରିତ୍ୟାଗ କରି ଯୋଗ ମାର୍ଗ ଅବଲମ୍ବନ କରିବାକୁ ପଡ଼ିବ। ଭାଗ୍ୟାକାଶରେ ଥିବା ପୂର୍ଣ୍ଣିମା ଜହ୍ନକୁ ହାତ ବଢ଼ାଇ ଆଶାବାଦୀ ହେବେ। ଦିନଟି ସୁଖ-ସମୃଦ୍ଧିପୂର୍ଣ୍ଣ ହେବ।

କୁମ୍ଭ : ସୁନ୍ଦର ଅଳଙ୍କାର ରୂପ ନେବା ପାଇଁ ଯେପରି ସୁନାକୁ ଅସହ୍ୟ ଉତ୍ତାପ ସହ୍ୟ କରିବାକୁ ପଡ଼େ; ସେହିପରି ସେବା ଅନୁଷ୍ଠାନକୁ ପ୍ରତିଷ୍ଠିତ କରିବା ପାଇଁ କଷ୍ଟ ସହିବାକୁ ପଡ଼ିବ। ସାହସୀ ଓ ଧୈର୍ଯ୍ୟବାନ ହେବେ।

ମୀନ : ପବିତ୍ର ଭାବନା ନେଇ ସମାଜସେବାରେ ନିଜକୁ ନିୟୋଜିତ କରିପାରନ୍ତି। ପତ୍ନୀଙ୍କ ପରାମର୍ଶ ଉପାଦେୟ ହେବ। ବ୍ୟବସାୟରୁ ସ୍ବଳ୍ପ ଲାଭ ପାଇ ସନ୍ତୁଷ୍ଟ ହେଲେ କୃପାନିଧାନଙ୍କ କୃପାପାତ୍ର ହୋଇପାରନ୍ତି।