ବରକୋଳି ଖାଇବାକୁ ସମସ୍ତ ଭଲ ଲାଗିଥାଏ। ଏହା ସାଧାରଣତଃ ଶୀତ ଦିନେ ମିଳିଥାଏ। ଅତ୍ୟଧିକ ବରକୋଳି ଖାଇବା ଦ୍ବାରା ଥଣ୍ଡା, କାଶ ଓ କଫ ହୋଇଥାଏ। କିନ୍ତୁ ବରକୋଳି ଖାଇବା ଦ୍ବାରା ଶରୀରକୁ ଅନେକ ଲାଭ ହୋଇଥାଏ। ଏଥିରେ ଥିବା ଭିଟାମିନ ସ୍ବାସ୍ଥ୍ୟ ପାଇଁ ଲାଭଦାୟକ। ବରକୋଳିରେ ଥିବା ପୋଷକ ତତ୍ତ୍ବ ଶରୀର ପାଇଁ ଉପଯୋଗୀ ବୋଲି ଆୟୁର୍ବେଦରେ ଉଲ୍ଳେଖ ରହିଛି। ବରକୋଳି ଖାଇବା ଦ୍ବାରା ଶରୀରରେ ହଜମ ପ୍ରକ୍ରିୟା ସଠିକ ଭାବେ ହୋଇଥାଏ। ଏହା ହଜମ ଶକ୍ତି ବୃଦ୍ଧି କରିଥାଏ। ବରକୋଳି ଖାଇବା ଦ୍ବାରା କେଶ ଲମ୍ବା, ଘନ ଓ ସୁସ୍ଥ ହୋଇଥାଏ।
ପ୍ରତିଦିନ ସକାଳ ସମୟରେ ୨-୪ଟି ବରକୋଳି ଖାଇବା ଦ୍ବାରା ହଜମ କ୍ରିୟା ସୂଚାରୁ ରୂପେ ହୋଇଥାଏ। ବରକୋଳିରୁ ଆଚାର ପ୍ରସ୍ତୁତ କରାଯାଇଥାଏ। ଅଧିକ ଥଣ୍ଡା ଥିଲେ ବରକୋଳି ଖାଆନ୍ତୁ ନାହିଁ। ଏହା ଖାଇବା ଦ୍ବାରା ମାନସିକ ଦୁଃଶ୍ଚିନ୍ତା ଦୂର ହୋଇଥାଏ।