ବାୟୁ ପ୍ରଦୂଷଣ ଆମ ସ୍ୱାସ୍ଥ୍ୟ ଉପରେ କୁପ୍ରଭାବ ପକାଇବା ସହ ଆମର ମସ୍ତିଷ୍କ ଉପରେ ମଧ୍ୟ କୁପ୍ରଭାବ ପକାଇଥାଏ।
ଗବେଷଣାରୁ ଜଣା ପଡ଼ିଛି ଯେ ବାୟୁ ପ୍ରଦୂଷଣ ଯୋଗୁଁ ମାନସିକ ଅବସ୍ଥା ବିଶେଷ କରି ଚିନ୍ତା କରିବା ଶକ୍ତି ବହୁ ପରିମାଣରେ ପ୍ରଭାବିତ ହୋଇଥାଏ। ଏହି ସମସ୍ୟା ମହିଳାମାନଙ୍କ ଅପେକ୍ଷା ପୁରୁଷମାନଙ୍କ ଠାରେ ଅତ୍ୟଧିକ ଦେଖିବାକୁ ମିଳିଥାଏ। କାରଣ ମହିଳା ମାନଙ୍କ ଅପେକ୍ଷା ପୁରୁଷମାନେ ଅଧିକ ସମୟ ଘରରୁ ବାହାର ପରିବେଶରେ ରହିଥାଆନ୍ତି। ଅଧିକ ଯାନବାହନ ଚଳାଚଳ ଏବଂ ବୃକ୍ଷ କାଟିବା ପ୍ରଦୂଷଣର ମୁଖ୍ୟ କାରଣ। ଯାନବାହନରୁ ନିର୍ଗତ ହେଉଥିବା ଧୂଆଁର କ୍ଷତିକାରକ ପଦାର୍ଥ ବାୟୁମଣ୍ଡଳକୁ ପ୍ରଭାବିତ କରେ।
ଅତ୍ୟଧିକ ପ୍ରଦୂଷଣ ଫଳରେ ଏଥିରେ ଥିବା ଦୂଷିତ ପଦାର୍ଥ ଶରୀର ଭିତରକୁ ପ୍ରବେଶ କରିବାରୁ ଏହାର ପ୍ରଭାବ ମସ୍ତିଷ୍କ ଉପରେ ଅଧିକ ପଡ଼ିଥାଏ। ବାକ୍ ଶକ୍ତି ଉପରେ ମଧ୍ୟ ଏହା ପ୍ରଭାବ ପଡ଼ୁଛି।
ଏହାର ପ୍ରଧାନ କାରଣ ହେଉଛି ପ୍ରଦୂଷଣରେ ଥିବା କ୍ଷତିକାରକ ପଦାର୍ଥ ମସ୍ତିଷ୍କର ରକ୍ତ ସଞ୍ଚାଳନକୁ ପ୍ରଭାବିତ କରିଥାଏ। ମସ୍ତିଷ୍କର ବହୁ ସ୍ଥାନରେ କ୍ଷତିକାରକ ପଦାର୍ଥ ଏକ ସ୍ତର ଭଳି ରହିଥାଏ। ଯାହା ଦ୍ୱାରା ଭାବିବା ଏବଂ ବୁଝିବା ଶକ୍ତି ହ୍ରାସ ପାଏ।
ବୟସ୍କ ବ୍ୟକ୍ତି ମାନଙ୍କ ଉପରେ ପ୍ରଦୂଷଣର ପ୍ରଭାବ ଅଧିକ ପଡ଼ିଥାଏ।