ଲକ୍ଷ୍ନୌ: ଉତ୍ତରପ୍ରଦେଶ ବିଧାନସଭା ନିର୍ବାଚନରେ ଏଭଳି ଜଣେ ବ୍ୟକ୍ତି ପ୍ରାର୍ଥୀ ହୋଇଛନ୍ତି; ଯେ କି ପୂର୍ବରୁ ୯୩ ଥର ନିର୍ବାଚନ ଲଢ଼ି ହାରିଛନ୍ତି। ଏଥର ସେ ୯୪ଥର ପାଇଁ ପ୍ରାର୍ଥୀ ହୋଇଛନ୍ତି। ସେ ୧୯୮୫ରୁ କ୍ରମାଗତ ଭାବେ ପଞ୍ଚାୟତରୁ ଆରମ୍ଭ କରି ବିଧାୟକ, ସାଂସଦ ଏମିତି କି ଦେଶର ରାଷ୍ଟ୍ରପତି ପଦ ପାଇଁ ପ୍ରତିଦ୍ବନ୍ଦ୍ବିତା କରିଛନ୍ତି। ରାଷ୍ଟ୍ରପତି ପଦ ପାଇଁ ତାଙ୍କର ପ୍ରାର୍ଥିପତ୍ର ଖାରଜ ହୋଇଯାଇଥିଲା।
ଏହି ବ୍ୟକ୍ତି ହେଉଛନ୍ତି ଆଗ୍ରାର ୭୬ ବର୍ଷୀୟ ହସନୁରାମ ଆମ୍ବେଦକରୀ। ସେ ଆଗ୍ରାର ଖେରାଗଡ଼ ବିଧାନସଭା ଆସନରୁ ପ୍ରାର୍ଥିପତ୍ର ଦାଖଲ କରିଛନ୍ତି। ଜୀବିତ ଥିବା ପର୍ଯ୍ୟନ୍ତ ଏବଂ ଅନ୍ୟୂନ ୧୦୦ଥର ନିର୍ବାଚନ ଲଢ଼ିବା ପାଇଁ ନିଷ୍ପତ୍ତି ନେଇଥିବା ସେ କହିଛନ୍ତି।
