ହରଭଙ୍ଗା: ହରଭଙ୍ଗା ବ୍ଲକ ସୁରୁଣ୍ଡି ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରେ ଶିକ୍ଷକ ନିଯୁକ୍ତି ଦାବୀ ନେଇ ଦୁଇଦିନ ହେଲା ପିଲାଙ୍କୁ ଅଭିଭାବକମାନେ ପାଠପଢ଼ିବା ପାଇଁ ସ୍କୁଲ ଛାଡୁନଥିବା ଦେଖାଦେଇଛି। ଏଭଳି ଅଭିନବ ପ୍ରତିବାଦର ସମାଧାନ ପାଇଁ ଗତ ମଙ୍ଗଳବାର ହରଭଙ୍ଗା ସହକାରୀ ଗୋଷ୍ଠି ଶିକ୍ଷାଧିକାରୀ ସତ୍ୟନାରାୟଣ ମିଶ୍ର ସ୍କୁଲରେ ପହଞ୍ଚି ପରିଚାଳନା କମିଟି ସହିତ ଆଲୋଚନା କରିଥିଲେ। ତାଙ୍କ କଥା ଅନୁସାରେ ବୁଧବାର କୁଶାସିଙ୍ଗା ସ୍କୁଲର ଶିକ୍ଷକ ବିଶ୍ୱନାଥ ସ୍ୱାଇଁଙ୍କୁ ଡେପୁଟେସନରେ ଏଠାରେ ନିଯୁକ୍ତି ଦିଆଯାଇଛି। ତଥାପି ପରିଚାଳନା କମିଟି କର୍ମକର୍ତା ଦୁଇଜଣ ରେଗୁଲାର ଶିକ୍ଷକ ନଦେବା ପର୍ଯ୍ୟନ୍ତ ପିଲାଙ୍କୁ ସ୍କୁଲ ନଛାଡିବା ପାଇଁ ନିଷ୍ପତ୍ତି ନେବାରୁ ଏକ ଗୋଳମାଳିଆ ପରିସ୍ଥିତି ସୃଷ୍ଟି ହୋଇଛି। ଫଳରେ ଶୂନ ଉପସ୍ଥାନରେ ଦୁଇଦିନହେଲା ସ୍କୁଲ ଚାଲିଥିବା ଜଣାପଡ଼ିଛି। ଏଭଳି ସମସ୍ୟାର ତୁରନ୍ତ ସମାଧାନ ଦିଗରେ ଜିଲ୍ଲାପାଳ ଦୃଷ୍ଟି ନଦେଲେ ପିଲାଙ୍କ ଉଜ୍ଜ୍ୱଳ ଭବିଷ୍ୟତ ନଷ୍ଟହେବା ସହ ପାଠପଢ଼ା ଚୁଲିକି ଯିବ ବୋଲି ଅଭିଭାବକମାନେ ମତପୋଷଣ କରିଛନ୍ତି।
Popular Categories
Previous article
Next article